ડિસેમ્બરમાં ફરવા માટેની બેસ્ટ પ્લેસ, બર્ફિલા સ્વર્ગ જેવો થશે અનુભવ

ઠંડીની ઋતુમાં પણ ફરવાનો એક અલગ જ રોમાંચ હોય છે. એવા ભારતમાં ઘણા સ્થળો છે જ્યાં શિયાળામાં હિમવર્ષા થાય છે. તેનો નજારો જોવો અદ્ભૂત હોય છે. ત્યારે ડિસેમ્બર મહિનામાં જો તમે ફરવાનો પ્લાન બનાવતા હોય તો તમને જણાવીએ કે એવા ઘણા હિલસ્ટેશન છે જ્યાં તમે ફરવા જઇ શકો છો. જો તમે હજુ પણ ક્રિસમસ કે નવા વર્ષ માટે ક્યાંય ફરવા જવાનો કોઈ પ્લાન બનાવ્યો નથી અને તમે વિચારી રહ્યા છો કે બરફવર્ષા જોવા માટે ક્યાં પ્રવાસનું આયોજન કરવું.

ડિસેમ્બરમાં ગૈંગટોકનો સુંદર નજારો જુઓ

આ યાદીમાં પહેલું નામ સિક્કિમના ગૈંગટોકનું છે. ડિસેમ્બર મહિનો અહીં ફરવા માટે યોગ્ય છે. શિયાળાની ઋતુ દરમિયાન આ શહેર બરફથી ઢંકાયેલું રહે છે અને અહીંના મનમોહક નજારા તમને મોહિત કરવામાં કોઈ કસર છોડશે નહીં. જો તમે ગૈંગટોક જઈ રહ્યા છો તો ચોક્કસથી ત્સોમગો તળાવની મુલાકાત લો. અહીં ફરવા માટે ઘણી બધી જગ્યાઓ છે. તમે નાથુલા પાસ, રુમટેક મઠ, ગણેશ ટોક અને તાશી વ્યુપોઈન્ટની મુલાકાત લઈ શકો છો.

સ્પીતિ વેલી સાહસ માટે શ્રેષ્ઠ 

હિમાચલ પ્રદેશ એક એવું રાજ્ય છે જ્યાં ઘણા હિલ સ્ટેશનો છે. મનાલી, શિમલા અને ધર્મશાલા સિવાય જો તમે અન્ય કોઈ હિલ સ્ટેશન પર જવા માંગતા હોવ તો સ્પીતિ વેલી તમારા માટે બેસ્ટ છે. જો તમે બૌદ્ધ મઠની મુલાકાત લેવા માંગતા હો અથવા મિત્રો સાથે ટ્રેકિંગ પર જવાની યોજના બનાવો છો, તો ડિસેમ્બરમાં સ્પિતિ ખીણની સફરનો પ્લાન બનાવો. જો તમને એડવેન્ચર ગમે છે તો તમને આ જગ્યા ખૂબ જ ગમશે.

હળવાશ અનુભવવા માટે લેહ લદ્દાખ જાઓ

ડિસેમ્બર મહિનામાં લેહ સ્વર્ગ બની જાય છે. અહીં થીજી ગયેલા તળાવો અને બરફથી ઢંકાયેલી ટેકરીઓ જોઈને તમે તમારું ટેન્શન ભૂલી જશો. વ્યસ્ત જીવનમાંથી થોડો સમય કાઢીને લેહ લદ્દાખની મુલાકાત લઇને તમે ખૂબ હળવાશ અનુભવશો. લેહ લદ્દાખની સફરની યોજના કરતી વખતે, તમારી સૂચિમાં પેંગોંગ તળાવને ચોક્કસપણે સામેલ કરો. આ સિવાય જો તમને એડવેન્ચર ગમે છે તો તમે અહીં એન્જોય કરવા જઈ રહ્યા છો.