ગણેશ ચતુર્થી 2022: ફ્કત 2 વસ્તુથી ઘરે બનાવો ઈકો ફ્રેન્ડલી ગણપતિ

• ચીકણી માટીની મદદથી તૈયાર કરો ગણેશજી
  
• ઈકો ફ્રેન્ડલી ગણેશજી વાતાવરણને રાખશે પોઝિટિવ
• તમે ઈચ્છો તે અનુસાર ગણેશજીને સજાવો

હિંદુ પંચાંગના અનુસાર દર વર્ષે ભાદરવા મહિનાની શુક્લ પક્ષની ચોથના દિવસે ગણેશ ચતુર્થીની ઉજવણી કરવામાં આવે છે. આ વર્ષે તે 31 ઓગસ્ટના રોજ ઉજવાશે. આ તહેવાર 10 દિવસ સુધી ઉજવાય છે. એવામાં લોકો ઘરમાં ગણપતિની મૂર્તિ વિરાજમાન કરે છે. આમ તો લોકો બજારમાં મળતા તૈયાર ગણપતિ લાવી દેતા હોય છે. પરંતુ આ કેમિકલથી બનેલા હોવાના કારણે વાતાવરણને ખરાબ કરે છે. જો તમે આ બધાથી બચવા ઈચ્છો છો તો તમે ઈકો ફ્રેન્ડલી ગણેશજીની મૂર્તિ ઘરે જ સરળતાથી બનાવી શકો છો. તો જાણો આ માટે તમારે કઈ વસ્તુઓની જરૂર પડશે અને કઈ રીતે સ્ટેપ બાય સ્ટેપ તમે તેને ફટાફટ બનાવી શકશો.

આ રીતે માટીથી બને છે ગણેશજી

• સૌ પહેલા તો તમે ગણેશજીને બનાવવા માટે ચીકણી માટી લો અને તેમાં પાણી મિક્સ કરીને એક લોટ જેવું મિશ્રણ તૈયાર કરો. આ લોટને નાના ટુકડામાં વહેંચી લો.
• મિશ્રણમાંથી કુલ 4 ટુકડા કરો અને હવે તેમાંથી 1 લો. તેને ચપટો કરો અને મૂર્તિનો આધાર બનાવો. કિનારીઓને ચીકણી કરવા સ્કેલની મદદ લો.
• મૂર્તિમાં ગોળ ગોળ આકારના ધડ બનાવો અને મૂર્તિના શરીર અને આધારને જોડવા માટે ટૂથપિકનો ઉપયોગ કરો. આ સિવાય તમે પાણીની મદદથી પણ તેને ચિપકાવી શકો છો.
• મૂર્તિના પગ, હાથ અને સૂંઢ બનાવવા માટે 4 લાંબા રોલ બનાવો. 2 રોલ લો અને રોલને માથાની બહારની તરફ ચપટા આકારમાં લગાવો અને મૂર્તિના ધડ પાણીની મદદથી ચોંટાડો.
• મૂર્તિને માટે હથેળી બનાવો અને તેની પર આંગળીઓ અને અંગૂઠાને સાવધાની સાથે બનાવો. માટીનો એક અન્ય ટુકડો લો અને તેમાં એક બોલ આકારમાં રોલ કરો. તેને શરીરની ઉપર રાખો. આ મૂર્તિનું માથું બનશે.
• લાંબા રોલનો અંતિમ ટુકડો લો અને તેને માથાની વચ્ચે રાખો. પોતાની પસંદના આધારે સૂંઢને બનાવો. તમે સૂંઢના ભાગને અણીદાર પણ કરી શકો છો.
• કાન, આંખ, લાડુને માટે નાના આકારના ગોળા બનાવો. તેમાં દરેક માટે પાણીના 3-4 ટીપાં યૂઝ કરો અને તેને ચોંટાડી દો. કાનને પણ ચોંટાડો. તેને ચપટા કરો. આંખને લગાવી દો અને હાથ પર લાડુ રાખો.
• મૂર્તિની ડિઝાઈન બનાવો. ધોતી બનાવવા માટે માટીની મૂર્તિ બનાવવા માટેના સાધનો યૂઝ કરો. તમે કોઈ એક ખભા પર સ્ટોલ રાખી શકો છો.
• ફાઈનલ ટચ આપો અને ગણપતિની મૂર્તિને પત્તેદાર વાટકા અને કોઈ અન્ય ચીજમાં રાખો.