વાળ ખરવાની સમસ્યાથી હેરાન છો... તો ઘરે બનાવો આ કન્ડીશનર

છોકરો હોય કે છોકરી, દરેક વ્યક્તિએ સ્કિન કેર અને હેર કેર કરવાની હોય છે. વાળની ​​સંભાળમાં ઓઈલીંગ, શેમ્પૂ અને કન્ડીશનીંગનો સમાવેશ થાય છે. કન્ડીશનરનું કામ વાળના ટેક્સચરને સ્મૂથ કરવાનું છે. પરંતુ દરેક વ્યક્તિ શેમ્પૂ કર્યા પછી વાળમાં કન્ડીશનર લગાવે છે, પરંતુ લોકો લાંબા સમયથી ફરિયાદ કરી રહ્યા છે કે કન્ડીશનર વાળ ખરવાનું કારણ બને છે. તો શા માટે બજારમાંથી કન્ડીશનરખરીદવાનું બંધ ન કરીએ? તમે આ ઘરેલું ઉપાય વડે ઘરે જ સરળ અને સારું હેર કન્ડીશનર બનાવી શકો છો.

કન્ડીશનર બનાવવા માટેની સામગ્રી

4-5 ભીંડાં

1 એલોવેરાના પાન

1 ચમચી અળસીના બીજ

1 ચમચી કાચા ચોખા

2 કપ પાણી

કન્ડીશનરને બનાવવાની રીત

સૌ પ્રથમ ભીંડાં અને એલોવેરાને જાડા ટુકડાઓમાં કાપો. આ પછી, ગેસ ચાલુ કરો અને એક પેનને ગરમ કરો. આ વાસણ ઊંડું હોવું જોઈએ. હવે તેમાં ભીડાં અને એલોવેરા નાખી મિક્સ કરો. આ પછી તેમાં ચોખા અને અળસીના દાણા નાખીને પાણી ઉમેરો. હવે તેને સારી રીતે ઉકાળો. તેને ત્યાં સુધી ઉકાળો જ્યાં સુધી મિક્સર ચીકણું ન થઈ જાય અને કલર આછો બ્રાઉન ન થઈ જાય. આ પછી, ગેસ બંધ કરો અને તેને થોડું ઠંડુ થવા દો. તમે સુગંધ માટે તેમાં તમારી પસંદગીના કોઈપણ તેલના ટીપા પણ એડ કરી શકો છો. જો તેલ ન હોય તો ગુલાબની પાંખડીઓ અથવા સુગંધિત ફૂલ પણ ઉમેરી શકાય છે. જ્યારે આ મિક્સર ઠંડુ થઈ જાય ત્યારે તેને મલમલના કપડામાં નાખીને નિચોવી લો.

કેવી રીતે કરવો સંગ્રહ?

તમારું હોમમેડ હેર કન્ડીશનર તૈયાર છે. તમે તરત જ તેનો ઉપયોગ પણ કરી શકો છો. તેને સ્ટોર કરવા માટે એરટાઈટ કન્ટેનરનો ઉપયોગ કરો, આ કન્ડીશનરને તેમાં 7 દિવસ સુધી રાખી શકાય છે.

હોમમેઈડ કન્ડીશનરના ફાયદા

ઘરે તૈયાર કરેલ આ કન્ડીશનરથી તમને વાળ ખરવાની સમસ્યા નહીં થાય. આ સિવાય તે તમારા વાળની ​​સાથે તમારા સ્કેલ્પને પણ સુરક્ષિત કરશે. તેનાથી વાળનો ગ્રોથ સુધરશે, સ્પ્લિટ એન્ડ્સની સમસ્યા દૂર થશે અને વાળની ​​ચમક વધશે.

Disclaimer: અહીં આપવામાં આવેલી માહિતી માત્ર જાણકારી માટે છે, સંદેશ ન્યૂઝ તેની પુષ્ટિ કરતું નથી. કોઈ પણ ઉપાય કરતાં પહેલા નિષ્ણાંતની સલાહ લેવી જરૂરી છે.