કેન્સરની બીમારી હાલના દિવસોમાં વધી છે. અને તેની માટે સારવારનો ખર્ચ પણ આસમાને પહોંચ્યો છે. સામાન્યથી લઇને ગરીબ વર્ગ સુધી આ ખર્ચ પોસાય તેમ નથી. ત્યારે મેડિકલ સાયન્સમાં નિતનવા પ્રયોગો થતા રહે છે. અને નવી થેરાપી તથા નવા ફોર્મ્યુલા દર્દીઓ માટે ઉપયોગમાં લેવાતા રહે છે. ત્યારે તબીબો પાસે હમણાના સમયમાં MEDSRX ફોર્મ્યુલા આવ્યો છે. જેનાથી કેન્સર દર્દીઓ આ બીમારીને માત આપી શકે છે.
કેન્સરની સારવાર માટે નવી ફોર્મ્યુલા
કેન્સરની બીમારીને કાયમી દૂર કરવા માટે ભલે હજુ સુધી કોઇ દવા કે અક્સીર ઇલાજ અથવા રસી નથી શોધાઇ પણ આપણી રોજિંદી ક્રિયામાં ફેરફાર કરીને તંદુરસ્ત જીવન તો જીવી શકાય છે. એક પોડકાસ્ટમાં ડૉ.તરંગ કૃષ્ણાએ કેન્સરને પરાજય આપવા માટેના નુસ્કા સમજાવ્યા હતા. તેઓએ એક નવી ફોર્મ્યુલા દર્શકોને જણાવી હતી. આ ફોર્મ્યુલાનું નામ છે, MEDSRX ફોર્મ્યુલા. શું છે આ ફોર્મ્યુલા આવો જાણીએ.
MEDSRX ફોર્મ્યુલા શુ છે ?
M એટલે મેડિટેશન
મેડિટેશન એટલે ધ્યાનમાં બેસવું. માનસિક રીતે મજબૂત બનવા માટે ધ્યાન કેન્દ્રિત કરવું જરુરી છે. આનાથી તણાવ મુક્ત રહી શકાય છે. શારિરીક તંદુરસ્તી પણ સારી રહે છે. મેડીટેશન કરવાથી કોર્ટિસોલ સ્ટ્રેસ હાર્મોન કંટ્રોલમાં રહે છે. જેના કારણે શરીરની સૂજન ઓછી કરવામાં મેડિટેશન મદદ કરે છે. માનસિક શાંતિ અન તણાવ મુક્ત જિદંગી કેન્સરના ખતરાને ઓછું કરી શકે છે.
E એટલે એક્સસાઇઝ
રોજ કસરત કરવાથી શારિરીક અને માનસિક તંદુરસ્તી સારી છે. અને શરીરમાં રક્ત સંચાર વ્યવસ્થિત રહે છે. અને શરીરની અંદરનો કચરો સરળતાથી બહાર નીકળી શકે છે. ઇન્સ્યુલિન અને એસ્ટ્રોજન જેવા કેન્સર સંબંધિત હોર્મોન્સને નિયંત્રિત કરીને આ ખતરનાક રોગને રોકવામાં મદદ કરે છે. અઠવાડિયામાં 150 મિનિટ ચાલવું, સાયકલ ચલાવવું અથવા તરવું જેવી હળવી કસરત પણ કેન્સરનું જોખમ ઘટાડી શકે છે.
D એટલે ડાયેટ
સ્વસ્થ અને સંતુલિત આહાર કેન્સરને શરીરથી દૂર રાખી શકે છે. ફળો, શાકભાજી, બદામ અને આખા અનાજ જેવા ખોરાકમાં રહેલા એન્ટીઑકિસડન્ટ કોષોને નુકસાનથી બચાવવામાં મદદ કરે છે. બ્રોકોલી, કોબીજ, બેરી, હળદર અને લીલી ચા જેવા ક્રુસિફેરસ શાકભાજીમાં કેન્સર વિરોધી ગુણધર્મો હોય છે. આ ઉપરાંત, તળેલા ખોરાક, વધુ પડતી ખાંડ અને લાલ માંસથી દૂર રહેવું જોઈએ.
S એટલે સ્લીપ
સારી ઊંઘ દરેક શરીરની જરૂરિયાત છે. તે ડીએનએ રિપેર કરવામાં અને હોર્મોનલ સંતુલન જાળવવામાં મદદ કરે છે. દરરોજ ઓછામાં ઓછી 7 થી 9 કલાકની ગાઢ ઊંઘ કેન્સરથી બચી શકે છે. ઊંઘનો અભાવ શરીરમાં બળતરા અને ઇન્સ્યુલિન પ્રતિકાર જેવી સમસ્યાઓમાં વધારો કરે છે. જે કેન્સરનું જોખમ વધારી શકે છે.
R એટલે રિલેશનશીપ
જો તમારા સામાજિક સંબંધો મજબૂત હોય અને તમને ભાવનાત્મક ટેકો મળતો રહે, તો પણ તમે કેન્સરથી બચી શકો છો. જે લોકો સારા મિત્રો, પરિવાર અને સાથીદારો ધરાવે છે તેઓ માનસિક રીતે સ્વસ્થ રહે છે. તેમની રોગપ્રતિકારક શક્તિ મજબૂત હોય છે. આવા સંબંધો તેમને સારી જીવનશૈલી અપનાવવામાં અને ધૂમ્રપાન અને દારૂથી બચાવવામાં મદદ કરે છે.
X એટલે ફેક્ટર
X એ એવી પ્રવૃત્તિનો ઉલ્લેખ કરે છે જે આપણને ખુશી અને સંતોષ આપે છે. મતલબ તે બધા કાર્યો જે તમને શાંતિ આપે છે. નૃત્ય, સંગીત સાંભળવું, ચિત્રકામ જેવા શોખ માનસિક શાંતિ પ્રદાન કરે છે, જે કેન્સરનું જોખમ ઘટાડી શકે છે.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનનો અમલ કરતા પહેલા, તમારે સંબંધિત નિષ્ણાતની સલાહ લેવી જોઈએ.
