આજના આધુનિક યુગમાં દરેક વ્યક્તિ પોતાનુ કામ વધુ સરળ બનાવવા ઇચ્છે છે અને એમાંય જો મહિલાઓને રસોડામાં ઉપયોગી કિચન ટિપ્સ મળી જાય તો બીજુ જોઇએ જ શું ? જો તમને એવી સરળ ટિપ્સ મળી જાય કે તમારું રોજ બરોજનુ કામ ફટાફટ પતી પણ જાણ અને એ પણ કોઇ ઝંઝટ વગર...તો આવો જાણીએ એવી કેટલીક સ્માર્ટ ટિપ્સ વિશે જે તમને રોજ અપનાવી શકો છો.
બાફેલા બટાકા માટે મીઠાં અને લીંબૂનો કરો ઉપયોગ
ઘણીવાર બટાકાં બાફ્યા બાદ તેમનું છીલકું કાઢવું મુશ્કેલ થાય છે. આવા સમયે, પાણીમાં થોડુંક મીઠું અને લીંબૂ નાંખીને બટાકા બાફો. આનાથી બટાકાં સારી રીતે બફાઈ જાય છે અને તેમનું છીલકું પણ સરળતાથી ઊતરી જાય છે. સાથે જ સ્વાદ પણ વધે છે.
ઈડલીનું ખાટું બેટર સુધારવા માટે નારિયેળનું દુધ ઉમેરો
ઘણા વખત એવું બને છે કે ઈડલીનું બેટર વધુ ખાટું થઈ જાય છે. જેનાથી ઈડલીનો સ્વાદ બગડી જાય છે.આવી સ્થિતિમાં બેટરમાં થોડીક નારિયેળનું દુધ ઉમેરો.આનાથી ખાટાશ ઘટશે અને સ્વાદ પણ સુધરશે. ઇડલી તમારી એક દમ પોંચી રૂ જેવી બનશે.
દહીં જામતી વખતે લીલુ મરચું ઉમેરો
જો દહીં જમાવવા માટે તમારું પાસે જૂનું દહીં ન હોય, તો દુધમાં લીલી મરચી નાખીને રાત્રે ફ્રિજમાં મૂકી દો. આનાથી દુધ સારી રીતે દહીંમાં બદલાઈ જશે અને બગડતું પણ નહીં. દહીં સારી રીતે જામશે.
જ્યારે શાક વધારે તેલ પીએ તો શું કરવું?
ઘણીવાર એવું થાય છે કે શાક વધારે તેલ પી જાય છે. આવા સમયે, શાકને થોડું સમય ફ્રિજમાં મૂકી દો. આથી તેલ ઉપર જામી જશે અને શાકને તેલમાંથી અલગ કરવું સરળ રહેશે. સાથે જ સ્વાદ યથાવત્ રહેશે.
