આજકાલ લોકોમાં સ્વાદિષ્ટ અને મસાલેદાર ખાવાનો ક્રેઝ છે. વધુ પડતું મસાલેદાર ભોજન એસિડિટી કરે છે. લોકો એસિડિટીની સમસ્યાને સામાન્ય માને છે. એટલે જ જયારે પેટમાં બળતરા થાય ત્યારે ધ્યાન આપતા નથી. પરંતુ કારણ વગર લાંબા સમય સુધી જો તમને એસિડિટીની સમસ્યા રહેતી હોય તો તે ગંભીર પરિણામ આપી શકે તેવી ડોક્ટરે ચેતવણી આપી.

એસિડિટીની સમસ્યાથી અલ્સર અને કેન્સરનું જોખમ

ડોક્ટરના જણાવ્યા મુજબ લાંબા સમય સુધી એસિડિટી રહે તો પાચન સમસ્યા વધે છે. લાંબા ગાળા સુધી તમને આ સમસ્યા રહે તો તેને ઍસિડ રિફ્લક્સ કહે છે. અને એસિડિટી ગેસ્ટ્રોએસોફેજલ રિફ્લક્સ રોગ (GERD) નું જોખમ વધારે છે.  જેટલી સામાન્ય દેખાય છે એટલી જ મુશ્કેલી પેદા કરનારી એસિડિટીની સમસ્યા. એટલે કે એસિડના સતત સંપર્કમાં રહેવાથી આપણા અન્નનળીના કોષો નબળા પડે છે. તેમજ ક્રોનિક એસિડિટી પેટના અલ્સર થવાનું જોખમ પણ વધારે છે. પેટના આંતરિક અસ્તર પર એસિડના લાંબા સમય સુધી સંપર્કમાં રહેવાથી અલ્સર થઈ શકે છે. કેટલાક કિસ્સાઓમાં, લાંબા સમય સુધી એસિડિટી બેરેટના અન્નનળી જેવી ગંભીર સ્થિતિના વિકાસ તરફ દોરી શકે છે. આ સ્થિતિ અન્નનળીના અસ્તર કોષોની રચનામાં ફેરફાર કરે છે, જે અન્નનળીના કેન્સરનું જોખમ વધારી શકે છે. 

જાણો કેવી રીતે થાય છે શરીરમાં એસિડિટીની સમસ્યા

શરીરમાં એસિડિટીની સમસ્યા થવાનું કારણ મસાલેદાર ખોરાક છે. જયારે છાતી અને પેટમાં બળતરા જેવું લાગે તેને સામાન્ય ભાષામાં એસિડિટી કહીએ છીએ. ડોકટરે કહે છે કે આપણી અન્નપ્રણાલીની સંકોચક પેશીની સમસ્યાને કારણે આ મુશ્કેલી થાય છે. આ એ પેશી છે જે પેટ અને અન્નનળી વચ્ચેના ભાગમાં આવેલી હોય છે. જ્યારે આ પેશી સંપૂર્ણપણે બંધ નથી થતી ત્યારે જઠરમાં રહેલું ઍસિડ અને અન્નના કણો અન્નનળીમાં ફરી પાછા આવી શકે છે, આ સમસ્યાને ગૅસ્ટ્રોએસોફેગલ રિફ્લક્સ કહે છે. જ્યારે ઍસિડ બહાર આવવાની સમસ્યાને ઍસિડ રિફ્લક્સ કહે છે. આ સમસ્યાને કારણે ગળામાં સમસ્યા, મોઢાનું સ્વાદ બગડવા જેવાં લક્ષણો જોવા મળે છે.


આ પણ વાંચો : પરીક્ષા પે ચર્ચા 2026 : ચમકતી ત્વચા, ફિટનેસ, વિદ્યાર્થીના સવાલ પર પીએમ મોદીનો રસપ્રદ જવાબ


(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )