આજના પ્રદૂષણ, ધૂળ અને સૂર્યના તાપને કારણે ત્વચા અકાળે નિસ્તેજ અને નિર્જીવ બની જાય છે. બજારમાં મળતી નાઈટ ક્રીમ ઘણીવાર બજેટની બહાર હોય છે અથવા તેમાં રહેલા હાનિકારક રસાયણો લાંબા ગાળે ત્વચાને નુકસાન પહોંચાડે છે. જો તમે પણ કુદરતી રીતે ત્વચાને નિખારવા માંગતા હોવ, તો માત્ર 4 કુદરતી ઘટકોની મદદથી ઘરે જ બેસ્ટ નાઈટ ક્રીમ બનાવી શકો છો.
આ ક્રીમ બનાવવા માટે તમારે મોંઘી વસ્તુઓની જરૂર નથી
એલોવેરા જેલ: 2 ચમચી (ત્વચાને હાઇડ્રેટ કરવા માટે)
બદામનું તેલ: 1 ચમચી (વિટામિન E નો ખજાનો)
ગ્લિસરીન: 1 ચમચી (ભેજ જાળવી રાખવા માટે)
ગુલાબજળ: 3-4 ચમચી (તાજગી અને ટાઈટનિંગ માટે)
સૌ પ્રથમ એક નાનો કાચનો બાઉલ લો. તેમાં એલોવેરા જેલ, બદામનું તેલ અને ગ્લિસરીન ઉમેરીને તેને ત્યાં સુધી મિક્સ કરો જ્યાં સુધી તે એકદમ મુલાયમ ન બની જાય. ત્યારબાદ તેમાં ધીમે-ધીમે ગુલાબજળ ઉમેરતા જાઓ અને હલાવતા રહો, જેથી તેની સુસંગતતા બજારમાં મળતી ક્રીમ જેવી થઈ જશે. તૈયાર થયેલી આ ક્રીમને એક સ્વચ્છ હવાચુસ્ત ડબ્બીમાં ભરીને ફ્રીજમાં રાખી દો.
રાત્રે સૂતા પહેલા ચહેરાને કોઈ સારા ફેસવોશથી સાફ કરી લો. ચહેરો સુકાઈ જાય પછી આ ક્રીમના થોડા ટીપાં લો અને ચહેરા પર હળવા હાથે મસાજ કરો. યાદ રાખો કે સૂવાના 10-15 મિનિટ પહેલા ક્રીમ લગાવવી જેથી તે ત્વચાના છિદ્રોમાં બરાબર શોષાઈ જાય. આખી રાત તેને રહેવા દો અને સવારે સાદા પાણીથી ચહેરો ધોઈ લો.
આ ક્રીમમાં રહેલું એલોવેરા ત્વચાને ઠંડક આપે છે અને સોફ્ટ બનાવે છે. બદામનું તેલ ત્વચાના ડાર્ક સ્પોટ્સ ઘટાડે છે અને પોષણ આપે છે. ગ્લિસરીન શુષ્કતા દૂર કરે છે, જ્યારે ગુલાબજળ ચહેરાના પીએચ લેવલને જાળવી રાખે છે. આ ચારેયનું મિશ્રણ ત્વચાને અંદરથી સાફ કરી કુદરતી ચમક લાવે છે.
ખાસ નોંધ: જો તમારી ત્વચા વધુ પડતી સેન્સિટિવ હોય, તો ચહેરા પર લગાવતા પહેલા કાનની પાછળ થોડી ક્રીમ લગાવી 'પેચ ટેસ્ટ' જરૂર કરી લેવો.
(Disclaimer: આ સમાચાર ફક્ત માહિતીના હેતુ માટે છે. તમારી ત્વચા સંભાળની દિનચર્યામાં કોઈપણ ફેરફાર કરતા પહેલા હંમેશા નિષ્ણાત અથવા ત્વચારોગ વિજ્ઞાનીની સલાહ લો.)