આજકાલ દરેક વ્યક્તિ સ્વચ્છ, ચમકતી અને દાગ વગરની દોષરહિત ત્વચા મેળવવા ઈચ્છે છે. જોકે, બદલાતી ઋતુ, ગરમી, પ્રદૂષણ અને બગડેલી જીવનશૈલીના કારણે ત્વચા બેજાન અને નિર્જીવ બની જાય છે. આવી સ્થિતિમાં, લોકો ચહેરાની સુંદરતા પાછી મેળવવા માટે બજારમાંથી મોંઘા બ્યુટી પ્રોડક્ટ્સ ખરીદે છે, પરંતુ ઘણીવાર ઇચ્છિત પરિણામ મળતું નથી. જો તમે પણ કેમિકલવાળા પ્રોડક્ટ્સ પાછળ પૈસા ખર્ચીને કંટાળી ગયા છો, તો આ ખાસ હોમ રેમેડી તમારા માટે જ છે.
ત્વચાને ગ્લોઇંગ બનાવવાનું જાણો રહસ્ય
ચમકતી ત્વચા મેળવવા માટે પાર્લરના ચક્કર કાપવાને બદલે તમે રસોડામાં હાજર કુદરતી વસ્તુઓનો ઉપયોગ કરી શકો છો. ત્વચાને ગ્લોઇંગ બનાવવા માટે દાદીમાનો આ પરંપરાગત નુસખો ખૂબ જ અસરકારક સાબિત થઈ શકે છે. તેમાં નાળિયેર તેલ સાથે રસોડાના બે સામાન્ય ઘટકોનો ઉપયોગ કરવામાં આવે છે. આ મિશ્રણ ત્વચાની નિસ્તેજતા (Dullness) દૂર કરી ચહેરાને ડીપ મોઇશ્ચરાઇઝ કરે છે. ચાલો જાણીએ આ વાયરલ ફેસ પેક બનાવવાની રીત અને તેના ફાયદા.
નાળિયેરના તેલમાં ઉમેરો વસ્તુઓ બનાવો ફેસપેક
આ નેચરલ ગ્લોઇંગ ફેસ પેક બનાવવા માટે તમારે રસોડાની માત્ર ૩ સરળ વસ્તુઓની જરૂર પડશે. આ માટે નાળિયેર તેલ ૧ મોટી ચમચી, કોફી પાવડર ૧ મોટી ચમચી, લીંબુનો રસ અથવા ટામેટાંનો રસ: ½ (અડધી) ચમચી લેવાનો રહેશે. સૌપ્રથમ એક સ્વચ્છ નાનો બાઉલ લો. તેમાં ૧ ચમચી નાળિયેર તેલ અને ૧ ચમચી કોફી પાવડર ઉમેરીને બરાબર મિક્સ કરી લો. ત્યારબાદ, તેમાં અડધી ચમચી લીંબુ અથવા ટામેટાંનો રસ ઉમેરો. આ ત્રણેય સામગ્રીને સારી રીતે ફેંટીને એક સ્મૂધ પેસ્ટ (પેક) તૈયાર કરી લો.
નાળિયેર તેલનો ફેસ પેક આ રીતે કરો એપ્લાય
ફેસ પેક લગાવતા પહેલા તમારા ચહેરાને સ્વચ્છ પાણી અથવા ફેસવોશથી ધોઈને કોરો કરી લો. હવે તૈયાર કરેલા મિશ્રણને તમારા આખા ચહેરા અને ગરદન પર સરખી રીતે લગાવો. આ પેક લગાવ્યા પછી ૨ થી ૩ મિનિટ સુધી હળવા હાથે ગોળાકાર ગતિમાં (Circular motion) ચહેરા પર મસાજ કરો. મસાજ કર્યા પછી તેને ૫ થી ૧૦ મિનિટ માટે ચહેરા પર જ રહેવા દો. અંતે, નવશેકા અથવા સામાન્ય પાણીથી ચહેરો બરાબર ધોઈ લો.
ફેસપેક ત્વચાને બનાવશે ચમકદાર
નાળિયેર તેલ ત્વચા માટે બેસ્ટ નેચરલ મોઇશ્ચરાઇઝર છે. તે ત્વચાના કોષોને ઊંડાણપૂર્વક હાઇડ્રેટ કરે છે, જેથી ત્વચા અંદરથી સોફ્ટ અને ગ્લોઇંગ બને છે. કોફીનો ટેક્સચર કુદરતી સ્ક્રબ તરીકે કામ કરે છે. તે ચહેરા પર જામી ગયેલી મૃત ત્વચા અને બ્લેકહેડ્સને સરળતાથી દૂર કરી ત્વચાને એકદમ સાફ કરે છે. આ બંને વિટામિન-સી (Vitamin C) નો ઉત્તમ સ્ત્રોત છે. તે નેચરલ બ્લીચિંગ એજન્ટ તરીકે કામ કરીને ચહેરાના ડાર્ક સ્પોટ્સ અને ટેનિંગ દૂર કરે છે અને ત્વચામાં ઇન્સ્ટન્ટ બ્રાઇટનેસ લાવે છે.
