- આ વખતે ચોક્કસ બદલાવ આવશેઃ માયાવતી
- સીએમ યોગી આદિત્યનાથે વોટિંગની અપીલ કરી હતી
- પ્રથમવારના મતદારોને રાજનાથ સિંહે મતદાનની કરી અપીલ
આજે લોકસભા ચૂંટણીના પાંચમા તબક્કાનું મતદાન છે. આ તબક્કામાં 8 રાજ્યો/કેન્દ્રશાસિત પ્રદેશોની 49 લોકસભા બેઠકો પર મતદાન થઈ રહ્યું છે. આ સાથે ઓડિશા વિધાનસભાની બાકીની 35 બેઠકો પર પણ આજે મતદાન થઈ રહ્યું છે. રાહુલ ગાંધી, સ્મૃતિ ઈરાની અને રાજનાથ સહિતના આ દિગ્ગજ નેતાઓનું ભાવિ સીલ થઈ જશે. મતદાન શરૂ થતાની સાથે જ અનેક રાજકીય દિગ્ગજોએ પણ મતદાન કર્યું છે અને સાથે જ વધુને વધુ મતદાનની અપીલ કરી છે.તો જાણો કોણે શું કહ્યું.
પાંચમા તબક્કામાં વધુમાં વધુ મતદાન કરવા PMની અપીલ
PM મોદીએ X પોસ્ટના માધ્યમથી મતદારોને અપીલ કરી છે અને કહ્યું કે મતદાનનો નવો રેકોર્ડ બનાવે. મહિલાઓ અને યુવા મતદારોને ખાસ અપીલ કરી છે. લોકશાહીના ઉત્સવમાં ભાગ લેવા ખાસ અપીલ કરી છે.
લખનૌમાં માયાવતીએ આપ્યો વોટ, કહ્યું- આ વખતે ચોક્કસ બદલાવ આવશે
ઉત્તર પ્રદેશના પૂર્વ મુખ્યમંત્રી અને બસપાના વડા માયાવતીએ કહ્યું, 'મેં મતદાન કર્યું છે. હું તમામ મતદારોને અચૂક મતદાન કરવા અપીલ કરું છું. હું તમામ રાજકીય પક્ષોને કહેવા માંગુ છું કે તેઓ જનહિતના મુદ્દાઓને પ્રાથમિકતા આપે.
સીએમ યોગી આદિત્યનાથે વોટિંગની અપીલ કરી હતી
યુપીના સીએમ યોગી આદિત્યનાથે ટ્વીટ કર્યું અને કહ્યું માનનીય સાથી મતદાતાઓ, આજે લોકસભા ચૂંટણીનો પાંચમો તબક્કો છે. હું તમને બધાને વિનંતી કરું છું કે કૃપા કરીને મતદાન કરો. તમારો અમૂલ્ય મત 'સશક્ત-સલામત ભારત'નો પાયો બનશે અને આમાં મદદ કરશે.
રાજનાથ સિંહે કર્યું વોટિંગ અને કરી મતદાનને લઈને અપીલ
આજે લોકસભાની ચૂંટણીમાં લખનૌ સહિત પાંચમા તબક્કાની તમામ બેઠકોના મતદારોને રેકોર્ડ સંખ્યામાં મતદાન કરવા મારી નમ્ર વિનંતી છે. તમે લોકો જેટલા વધુ મતદાન કરશો, વિકસિત ભારતનો સંકલ્પ એટલો જ મજબૂત થશે. લોકશાહીના આ ઉત્સવમાં ઉત્સાહભેર ભાગ લેવા અને મતદાન કરવા માટે પ્રથમવાર મતદારો, યુવાનો અને મહિલાઓને મારી ખાસ અપીલ છે.
