- ત્રીજી વખત પૂર્ણ બહુમતી સાથે સરકાર!
- 2014 અને 2019માં ભારે બહુમતી સાથે સરકાર બનાવી હતી
- 2019માં ભાજપને 300 થી વધુ બેઠકો મળી હતી
લોકસભા ચૂંટણી 2024ના પરિણામોની જાહેરાત થઈ રહી છે. આ સમયે પીએમ મોદી વારાણસી બેઠકથી જીતી ચૂક્યા છે. આ સાથે જ આ તેમની સતત ત્રીજી વારની જીત છે. પીએમ મોદીને 63.62 ટકા મત મળ્યા અને તેમણે સમાજવાદી પાર્ટીની શાલિની યાદવને 4.79 લાખ મતોના માર્જિનથી હરાવ્યા. વારાણસીમાં સપાના ઉમેદવારને 18.40 ટકા વોટ મળ્યા જ્યારે અજય રાયને 14.38 ટકા વોટ મળ્યા. જો કે આ વખતે અજય રાયને સપા ચીફ અખિલેશ યાદવનું સમર્થન પણ હતું. જો કે આ ચૂંટણીમાં કોંગ્રેસ અને સપાએ વારાણસીમાં પીએમ મોદીને ઘેરવા માટે પોતાની પૂરી તાકાત લગાવી દીધી હતી. રાહુલ ગાંધી અને અખિલેશ યાદવથી લઈને ડિમ્પલ-પ્રિયંકા સુધી બધાએ વારાણસીમાં પ્રચાર કર્યો હતો.
અગાઉ પણ ભાજપે અહીં પોતાનું વર્ચસ્વ કાયમ કર્યું છે
હકીકતમાં પીએમ મોદીના નેતૃત્વમાં ભાજપે વર્ષ 2014 અને 2019માં ભારે બહુમતી સાથે સરકાર બનાવી હતી. 2014માં એકલા ભાજપને 280થી વધુ બેઠકો મળી હતી, જે બહુમતીના આંકડા કરતાં વધુ છે. તે જ સમયે, 2019માંભાજપે તેની બેઠકો વધારી હતી અને એકલા ભાજપને 300 થી વધુ બેઠકો મળી હતી, જો કે, એક્ઝિટ પોલમાં, ભાજપને ત્રીજી વખત પૂર્ણ બહુમતી મળવાની અપેક્ષા છે. જો એક્ઝિટ પોલના પરિણામોની પુષ્ટિ થશે તો ભાજપ માટે સતત ત્રણ વખત પૂર્ણ બહુમતી મેળવવાનો નવો રેકોર્ડ સ્થાપિત થશે.
PM મોદીના રાજકીય ગુરુ કોણ?
ભાજપના દિગ્ગજ નેતા અને દેશના પૂર્વ નાયબ વડાપ્રધાન લાલકૃષ્ણ અડવાણીને PM મોદીના રાજકીય ગુરુ માનવામાં આવે છે. 1985માં PM મોદીએ રાજકારણમાં પ્રવેશ કર્યો અને ભાજપમાં જોડાયા. મોદીની સક્રિયતા જોઈને તેમને જલ્દી જ પાર્ટીમાં મોટી જવાબદારીઓ મળવા લાગી.
2001માં ગુજરાતના મુખ્યમંત્રી બન્યા
વર્ષ 2001ની વાત છે જ્યારે ગુજરાતમાં ભૂકંપ આવ્યો હતો. જેના કારણે રાજ્યમાં ભારે તારાજી સર્જાઈ હતી. આ ઘટના બાદ તત્કાલિન મુખ્યમંત્રી કેશુભાઈ પટેલે મુખ્યમંત્રી પદેથી રાજીનામું આપી દીધું હતું. આ વિકાસ પછી મોદીને દિલ્હીથી ગુજરાતમાં મોકલવામાં આવ્યા અને આ રીતે મોદી પહેલીવાર ગુજરાતના મુખ્યમંત્રી બન્યા. તેમના સારા કાર્યોને કારણે, ગુજરાતની જનતાએ તેમને સતત 4 વખત (2001 થી 2014 સુધી) ગુજરાતના મુખ્યમંત્રી તરીકે ચૂંટ્યા.
2014માં પ્રથમ વખત દેશના વડાપ્રધાન બન્યા
2014માં લોકસભાની ચૂંટણી યોજાઈ હતી. એનડીએ દ્વારા મોદીને વડાપ્રધાન પદના ઉમેદવાર જાહેર કરવામાં આવ્યા હતા. મોદીના તોફાન હેઠળ, એનડીએએ આ સામાન્ય ચૂંટણીમાં જંગી જીત મેળવી અને મોદી દેશના વડાપ્રધાન બન્યા. તે દરમિયાન ભારતીય જનતા પાર્ટીના નેતૃત્વમાં પીએમ મોદીએ 282 સીટો જીતી હતી. આ પછી, 2019 માં યોજાયેલી લોકસભા ચૂંટણી દરમિયાન, PM મોદીએ ફરી એકવાર ઇતિહાસ રચ્યો અને વડાપ્રધાન તરીકે શપથ લીધા. મોદી દેશના પહેલા વડાપ્રધાન છે જેમણે લાલ કિલ્લા પરથી સતત નવ વખત રાષ્ટ્રને સંબોધન કર્યું છે.PM મોદીની ગુજરાતથી દિલ્હી સુધીની સ્વર્ણિમ સફર
- 1985માં PM મોદીએ રાજકારણમાં પ્રવેશ
- 1988-89માં મોદીને ગુજરાત ભાજપમાં મહામંત્રીની જવાબદારી
- 1995માં મોદીને ભાજપના રાષ્ટ્રીય સચિવ બનાવવામાં આવ્યા
- 2001 થી 2014 સુધી ગુજરાતના મુખ્યમંત્રી તરીકે ચૂંટ્યા
- 2014માં પ્રથમ વખત દેશના વડાપ્રધાન બન્યા
- 2019માં PM મોદીએ ચૂંટણી જીતને ફરી બન્યા PM
વિશ્વભરમાં PM મોદીની ગૂંજ..!
- 2018માં ગ્રાન્ડ કોલર ઓફ ધ સ્ટેટ ઓફ પેલેસ્ટાઈન એવોર્ડ એનાયત
- 2019માંનિશાન ઇઝ્ઝુદ્દીનના ઓર્ડર ઓફ ધ ડિસ્ટિંગ્વિશ્ડ રૂલથી સન્માનિત
- 2019માં PM મોદીને રશિયાના ઓર્ડર ઓફ સેન્ટ એન્ડ્ર્યુથી નવાજ્યા
- 2019 માં PMને UAE દ્વારા ઓર્ડર ઓફ ઝાયેદ એવોર્ડથી સન્માનિત
- મે 2023માં પાપુઆ ન્યુગિની દ્વારા કમ્પેનિયન ઓફ ધ ઓર્ડર ઓફ લોગોહુથી નવાજ્યા
- મે મહિનામાં કમ્પેનિયન ઓફ ધ ઓર્ડર ઓફ ફિજીથી નવાજ્યા
- જૂન, 2023 માં ઇજિપ્ત દ્વારા નાઇલ ઓર્ડર આપવામાં આવ્યો
- જુલાઈ 2023માં ફ્રાન્સના રાષ્ટ્રપતિ મેક્રોને મોદીને દેશના સર્વોચ્ચ એવોર્ડથી સન્માનિત
- 2024માં ગ્રાન્ડ ક્રોસ ઓફ ધ લીજન ઓફ ઓનરથી સન્માનિત કરાયા
