Lok Sabha Election Result 2024: કર્ણાટકમાં ખીલશે કમળ? 20 બેઠકો પર આગળ

• 11 વાગ્યા સુધી ભાજપ 20 સીટ પર આગળ
  
• કોંગ્રેસ 8 અને જેડીએસ 3 સીટ પર આગળ
• બીજેપી અને જેડીએ મળીને લડી રહ્યા છે ચૂંટણી

કર્ણાટકમાં લોકસભાની 28 બેઠકો પર મતદાન થયા બાદ મંગળવારે (4 જૂન)ના રોજ મતગણતરી ચાલી રહી છે. આ વખતે ચૂંટણીમાં ભાજપ અને કોંગ્રેસ વચ્ચે જંગ છે. ચૂંટણી પંચના જણાવ્યા અનુસાર, સવારે 11 વાગ્યા સુધીમાં ભાજપ 20 સીટો પર આગળ છે, જ્યારે કોંગ્રેસ 8 અને જેડીએસ 3 સીટો પર આગળ છે. આ વખતે કર્ણાટકમાં ભાજપ અને જેડીએસ સાથે મળીને ચૂંટણી લડી રહ્યા છે. કર્ણાટકમાં કોંગ્રેસ તમામ 28 બેઠકો પર ચૂંટણી લડી રહી છે, જ્યારે ભાજપ 25 અને જેડીએસ 3 બેઠકો પર ચૂંટણી લડી રહી છે. જેડીએસ જે ત્રણ સીટો પર ચૂંટણી લડી રહી છે તેમાં હસન, મંડ્યા અને કોલાર સીટનો સમાવેશ થાય છે. ભાજપ બેંગલુરુ સેન્ટ્રલ, બેંગલુરુ નોર્થ અને બેંગલુરુ ગ્રામીણ, બેલગામ જેવી સીટો પર આગળ છે. બેલ્લારી, બિદર, ચામરાજનગર જેવી સીટો પર કોંગ્રેસ આગળ છે.

2019ની ચૂંટણીમાં કેવું આવ્યું પરિણામ?

ગત વખતે 2019ની લોકસભા ચૂંટણીમાં ભાજપે 28માંથી 25 બેઠકો જીતી હતી. તે સમયે કોંગ્રેસ અને જેડીએસ સાથે મળીને ચૂંટણી લડ્યા હતા. કોંગ્રેસ અને જેડીએસના ખાતામાં માત્ર એક-એક સીટ ગઈ. ગૌડા પરિવારનો ગઢ ગણાતી હસન બેઠક પરથી JDSએ જીત મેળવી હતી. ભાજપને 2019ના પરિણામનું પુનરાવર્તન થવાની આશા છે, જ્યારે કોંગ્રેસ પણ જીતની આશા રાખે છે.

કર્ણાટકની ચૂંટણી બે તબક્કામાં યોજાઈ?

કર્ણાટકમાં લોકસભાની ચૂંટણી બે તબક્કામાં યોજાઈ હતી. અહીં લોકોએ 26મી એપ્રિલે અને ફરીથી 7મી મેના રોજ મતદાન કર્યું હતું. પ્રથમ તબક્કામાં 15 લોકસભા બેઠકો પર મતદાન થયું હતું જ્યારે બીજા તબક્કામાં 13 બેઠકો પર મતદાન થયું હતું. કર્ણાટકમાં મતદારોની સંખ્યા 2,63,38,277 છે, જેમાંથી 1,33,52,234 પુરુષ અને 1,29,83,284 મહિલા મતદારો છે.