અમેરિકાના રાષ્ટ્રપતિ ડોનાલ્ડ ટ્રમ્પ હવે વિશ્વના ખનિજ સમૃદ્ધ દેશો તરફ્ નજર રાખી રહ્યા છે. આ હવે ટ્રમ્પનો છુપાયેલો એજન્ડા નથી રહ્યો કારણ કે તેઓ યૂક્રેનના રાષ્ટ્રપતિ ઝેલેન્સ્કી પર સતત દબાણ કરી રહ્યા છે કે યૂક્રેનને સહાયના બદલામાં અમેરિકાને યૂક્રેનની ખનિજ સંપત્તિનું સંચાલન સોંપવામાં આવે. યૂક્રેન અમેરિકા સાથે 5 અબજ ડોલરના ખનિજ સંસાધનો પર કરાર કરવા માટે લગભગ તૈયાર હતું, પરંતુ ઝેલેન્સ્કીની તાજેતરની અમેરિકા મુલાકાત દરમિયાન ટ્રમ્પ અને ઝેલેન્સ્કી વચ્ચે થયેલી કડવાશભરી વાતચીતે હાલ પૂરતો આ સોદો નબળો પાડી દીધો છે.
જોકે, યુરોપની તેમની મુલાકાત દરમિયાન, યૂક્રેનના ઝેલેન્સ્કી રાષ્ટ્રીય હિતમાં અમેરિકા સાથે સોદો કરવા માટે લગભગ સંમત થઈ ગયા છે. બીજી તરફ્, રશિયા ઇચ્છતું નથી કે અમેરિકા અને રશિયા વચ્ચે આવો કોઈ કરાર થાય, તેથી જ રશિયાએ રશિયાની ખનિજ સંપત્તિ અંગેના કરાર માટે અમેરિકાને ખુલ્લું આમંત્રણ પણ આપ્યું છે. વાસ્તવમાં અમેરિકા પોતે ખનિજ સંપત્તિથી સમૃદ્ધ દેશ છે. આ સાથે, જો ખનિજ સંપત્તિની દ્રષ્ટિએ જોવામાં આવે તો, અમેરિકા વિશ્વનો સૌથી મોટો ઉત્પાદક અને ગ્રાહક દેશ છે. આ સાથે, અમેરિકા ખનિજો, ખાસ કરીને દુર્લભ ખનિજોના મામલે ચીન પરની તેની નિર્ભરતાનો અંત લાવવા અથવા ઘટાડવા માંગે છે. આ કારણોસર, વિશ્વના ખનિજ સમૃદ્ધ દેશો પર ટ્રમ્પની લોભી નજર સ્પષ્ટપણે દેખાય છે. તાજેતરમાં જ, ટ્રમ્પે કેનેડાને અમેરિકાનું 51મું રાજ્ય ગણાવ્યું. બીજી તરફ્, કેનેડાના રાષ્ટ્રપતિ જસ્ટિન ટ્્રુડોએ સ્પષ્ટપણે કહ્યું છે કે અમેરિકાની નજર કેનેડાની ખનિજ સંપત્તિ પર છે અને તે કેનેડા પર અમેરિકાનું 51મું રાજ્ય બનવા માટે દબાણ કરી રહ્યું છે. જોકે, જસ્ટિન ટ્રુડો આને ટ્રમ્પનું દિવાસ્વપ્ન ગણાવી રહ્યા છે. બીજી બાજુ, અમેરિકા કોઈ પણ રીતે અફ્ઘાનિસ્તાનમાં પ્રવેશ કરવા માંગે છે જેથી તે તેની ખનિજ સંપત્તિ હડપ કરી શકે. જોકે, જ્યાં સુધી તાલિબાન ત્યાં છે ત્યાં સુધી આ શક્ય લાગતું નથી. અમેરિકા અને રશિયા વચ્ચે બની રહેલા નવા સમીકરણોનું ભવિષ્ય શું છે તે બીજી વાત છે. આના પર ઘણું નિર્ભર રહેશે. જો આપણે ધ્યાનથી અવલોકન કરીએ તો, આધુનિક સમયથી ખનિજ સંપત્તિનું પોતાનું મહત્વ રહ્યું છે. પરંતુ ઇલેક્ટ્રોનિક યુગમાં, વિશ્વના દેશો માટે ખનિજ સંપત્તિનું મહત્વ અને માંગ ઝડપથી વધી છે. આજે વિકાસનો ખ્યાલ ફ્ક્ત ખનિજોની ઉપલબ્ધતાના આધારે જ સાકાર થઈ શકે છે. આ દુર્લભ ખનિજો દ્વારા જ નવા યુગની જરૂરિયાતો પૂરી કરવી શક્ય છે. એક સમય હતો જ્યારે સોનું, ચાંદી, તાંબુ વગેરે પર વધુ ધ્યાન કેન્દ્રિત કરવામાં આવતું હતું, પરંતુ આજે તેનું સ્થાન દુર્લભ ખનિજોએ લઈ લીધું છે.
