મહેસાણા જિલ્લાના ઊંઝા તાલુકામાં સ્થાનિક સ્વરાજ્યની ચૂંટણીના ફોર્મ પરત ખેંચવાના અંતિમ દિવસે ભારતીય જનતા પાર્ટીએ એકહથ્થુ શાસન તરફ કદમ માંડ્યા છે. ઊંઝા તાલુકા અને જિલ્લા પંચાયતની ચૂંટણીના જંગમાં મતદાન પહેલા જ ભાજપે ઘણી બેઠકો પર વિજયનો પંચમ લહેરાવી દીધો છે. ફોર્મ પરત ખેંચવાની મુદત પૂર્ણ થતા જ કેટલીક બેઠકો બિનહરીફ જાહેર થઇ છે.
4 બેઠકો પર ભાજપે બિનહરીફ વિજય મેળવ્યો
ઊંઝા તાલુકા પંચાયતની કુલ 18 બેઠકો પૈકી 4 બેઠકો પર ભાજપે બિનહરીફ વિજય મેળવ્યો છે. જેમાં ઉપેરા, દાસજ, વરવાડા અને કરલી બેઠકોનો સમાવેશ થાય છે. આ સાથે જ ઊંઝા તાલુકા પંચાયત કબજે કરવાના ભાજપના લક્ષ્યાંકમાં આ ચાર બેઠકોએ મજબૂત પાયો નાખ્યો છે.