ગુજરાતમાં સ્થાનિક સ્વરાજ્યની ચૂંટણીઓનો જંગ બરાબર જામ્યો છે. રાજ્યની મહાનગરપાલિકાઓ, નગરપાલિકાઓ અને પંચાયતો માટે જ્યારે મતદાન થવા જઈ રહ્યું છે, ત્યારે દેશના ગૃહમંત્રી અમિત શાહ પોતાના હોમ ટાઉન અમદાવાદમાં મતદાન કરવા આવશે. અમિત શાહ અમદાવાદના નારણપુરા વિસ્તારમાં આવેલા મતદાન કેન્દ્ર પર પોતાના મતાધિકારનો ઉપયોગ કરશે.
પરિવાર સાથે કરશે મતદાન
મળતી માહિતી મુજબ, અમિત શાહ દર વખતની જેમ આ વખતે પણ પોતાના પરિવાર સાથે મતદાન કરવા પહોંચશે. તેઓ નારણપુરાની સબ રજિસ્ટ્રાર ઓફિસ પાસે આવેલા મતદાન મથક પર વોટ આપશે. ગૃહમંત્રીના આગમનને પગલે નારણપુરા વિસ્તારમાં સુરક્ષાના ચુસ્ત બંદોબસ્ત ગોઠવી દેવામાં આવ્યા છે.
મતદાન મથક પર ખાસ તૈયારીઓ
અમિત શાહ જે મતદાન મથક પર વોટ આપવાના છે, ત્યાં વહીવટી તંત્ર દ્વારા તમામ તૈયારીઓ પૂર્ણ કરી લેવામાં આવી છે. મતદારોને કોઈ તકલીફ ન પડે અને સુરક્ષા વ્યવસ્થા જળવાય તે માટે ઉચ્ચ પોલીસ અધિકારીઓ દ્વારા સ્થળ નિરીક્ષણ પણ કરવામાં આવ્યું છે.
નેતાઓનો જમાવડો
કેન્દ્રીય મંત્રીના મતદાન સમયે અનેક સ્થાનિક નેતાઓ અને કાર્યકર્તાઓ પણ નારણપુરામાં હાજર રહે તેવી શક્યતા છે. અમિત શાહ મતદાન બાદ મીડિયા સાથે વાતચીત કરી શકે છે, અને નાગરિકોને વધુમાં વધુ મતદાન કરવા માટે અપીલ પણ કરી શકે છે.
આ પણ વાંચો - Local Body Election 2026: AAP ની 'કન્ટેન્ટ ચોરી' ની પેટર્ન પકડાઈ, કોપીરાઈટ ભંગના કારણે Facebook અને Instagram એકાઉન્ટ બ્લોક
