- આન્દ્રે રસેલે તોફાની ઇનિંગ રમીને વિરોધી ટીમને સ્તબ્ધ કરી દીધી
- આન્દ્રે રસેલ અને રધરફોર્ડે બેટથી કરી ધમાલ
- વેસ્ટ ઈન્ડિઝે ત્રીજી T20માં 220 રન બનાવ્યા
ત્રીજી T20I મેચ પર્થમાં વેસ્ટ ઈન્ડિઝ vs ઓસ્ટ્રેલિયા (WI vs AUS) વચ્ચે રમાઈ રહી છે. આ મેચમાં વેસ્ટ ઈન્ડિઝની ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. પ્રથમ બેટિંગ કરવા ઉતરેલી વેસ્ટ ઈન્ડિઝની ટીમની શરૂઆત ખરાબ રહી હતી, પરંતુ રોસ્ટન અને રોવમેન પોવેલે ટીમની ઈનિંગ્સને સંભાળવાનો પ્રયાસ કર્યો હતો. આ મેચમાં વેસ્ટ ઈન્ડિઝની ટીમના દિગ્ગજ બેટ્સમેન આન્દ્રે રસેલે બેટ વડે તોફાન મચાવ્યું હતું અને કાંગારૂ બોલરોની જોરદાર રીતે ક્લાસ લીધી હતી.
આન્દ્રે રસેલે એડમ ઝમ્પાની એક ઓવરમાં 4 ફોર અને એક સિક્સ ફટકાર્યો અને તેને ખરાબ રીતે પછાડ્યો ધોઇ નાખ્યો હતો. શેર ફેન રધરફોર્ડે તેને સંપૂર્ણ સાથ આપ્યો. બંને વચ્ચે 50થી વધુ રનની ભાગીદારી થઈ હતી.
વેસ્ટ ઈન્ડિઝના નામે થયો વર્લ્ડ રેકોર્ડ
વાસ્તવમાં, વેસ્ટ ઈન્ડિઝ ટીમના ઓલરાઉન્ડર આન્દ્રે રસેલે 29 બોલમાં 7 સિક્સ અને 4 ફોર ફટકારીને 71 રનની તોફાની ઈનિંગ રમી હતી. આ ઇનિંગના આધારે વેસ્ટ ઇન્ડિઝે 20 ઓવરમાં 6 વિકેટ ગુમાવીને 220 રનનો વિશાળ સ્કોર બનાવ્યો હતો. વેસ્ટ ઈન્ડિઝે પણ ઓસ્ટ્રેલિયામાં મુલાકાતી ટીમ દ્વારા આ સર્વોચ્ચ સ્કોર બનાવ્યો હતો.
પહેલીવાર બન્યું આ કારનામું
વેસ્ટ ઈન્ડિઝની ટીમ માટે આન્દ્રે રસેલ અને શેર ફેન રધરફોર્ડે 6 અને 7માં નંબર પર બેટિંગ કરી અને શાનદાર સદીની ભાગીદારી કરી. બંનેએ સાથે મળીને T20 ઈન્ટરનેશનલમાં છઠ્ઠી વિકેટ માટે સૌથી મોટી ભાગીદારી કરી હતી. આ સાથે, T20I ઇનિંગ્સમાં આ પ્રથમ વખત બન્યું, જ્યારે નંબર 6 અને 7 બેટ્સમેન (રધરફોર્ડ અને રસેલ) એ શાનદાર અડધી સદી હોય.
આન્દ્રે રસેલે એડમ ઝમ્પાની ઓવરમાં 28 રન બનાવ્યા
આન્દ્રે રસેલે ઇનિંગની 19મી ઓવરમાં ઘણા રન બનાવ્યા હતા. આ ઓવરમાં લેગ સ્પિનર એડમ ઝમ્પા કાંગારૂ ટીમ માટે આવ્યો હતો, જેના પહેલા જ બોલે રસેલે સિક્સર વડે શરૂઆત કરી હતી. બીજો બોલ ડોટ હતો. આન્દ્રે રસેલે ત્રીજા બોલ પર ફોર ફટકાર્યો હતો. આ પછી રસેલ રોકાયો નહીં અને છેલ્લા ત્રણ બોલ પર સિક્સર ફટકારી. આ રીતે આન્દ્રે રસેલે આ ઓવરમાં 28 રન બનાવ્યા અને ઝમ્પાની ધોલાઇ કરી.
