ક્વિન્ટન ડી કોકના નામે અનોખો રેકોર્ડ, આવું કરનાર પ્રથમ ખેલાડી બન્યો

• વેસ્ટ ઈન્ડિઝ સામે ડી કોકે 44 બોલમાં 100 રન બનાવ્યા હતા
  
• ડી કોકે T20, ODI, ટેસ્ટ, U-19 ટેસ્ટ, U-19 ODI અને U-19 T20 સદી ફટકારી
• ક્રિકેટ ઈતિહાસમાં આવું કરનાર ક્વિન્ટન ડી કોક એકમાત્ર ખેલાડી બન્યો

દક્ષિણ આફ્રિકાએ શ્રેણીની બીજી T20 મેચમાં વેસ્ટ ઈન્ડિઝને હરાવ્યું હતું. આ મેચમાં દક્ષિણ આફ્રિકાએ T20 ઈતિહાસના સૌથી મોટા રનનો પીછો કર્યો હતો. દક્ષિણ આફ્રિકાને મેચ જીતવા માટે 20 ઓવરમાં 259 રનનો ટાર્ગેટ મળ્યો હતો. દક્ષિણ આફ્રિકાની ટીમે 18.5 ઓવરમાં 4 વિકેટે 259 રન બનાવીને મેચ જીતી લીધી હતી. દક્ષિણ આફ્રિકા તરફથી વિકેટ કીપર બેટ્સમેન ક્વિન્ટન ડી કોકે શાનદાર સદી ફટકારી હતી. ક્વિન્ટન ડી કોકે 44 બોલમાં 100 રન બનાવ્યા હતા. તેણે પોતાની ઇનિંગમાં 9 ફોર અને 8 સિક્સર ફટકારી હતી.

ક્વિન્ટન ડી કોક આવું કરનાર એકમાત્ર ખેલાડી

જો કે આ સદી સાથે ક્વિન્ટન ડી કોકે એક મોટો રેકોર્ડ પોતાના નામે કરી લીધો છે. ઇન્ટરનેશનલ T20 સિવાય, ક્વિન્ટન ડી કોક ODI, ટેસ્ટ, અંડર-19, અંડર-19 ટેસ્ટ, અંડર-19 ODI અને અંડર-19 T20 મેચોમાં સદી ફટકારનાર પ્રથમ ખેલાડી બની ગયો છે. ક્વિન્ટન ડી કોક સિવાય ક્રિકેટના ઈતિહાસમાં કોઈ ખેલાડી આ કારનામું કરી શક્યો નથી. ક્રિકેટ ઈતિહાસમાં આવું કરનાર ક્વિન્ટન ડી કોક એકમાત્ર ખેલાડી છે.

દક્ષિણ આફ્રિકાએ વેસ્ટ ઈન્ડિઝને હરાવ્યું

બીજી તરફ આ મેચની વાત કરીએ તો ક્વિન્ટન ડી કોક સિવાય રેઝા હેનરિક્સે 28 બોલમાં 68 રનની ધમાકેદાર ઇનિંગ રમી હતી. તેણે પોતાની ઇનિંગમાં 11 ફોર અને 2 સિક્સર ફટકારી હતી. જ્યારે દક્ષિણ આફ્રિકાનો કેપ્ટન એડન માર્કરામ 21 બોલમાં 38 રન બનાવીને અણનમ પરત ફર્યો હતો. દક્ષિણ આફ્રિકાના કેપ્ટને પોતાની ઇનિંગમાં 4 ચોગ્ગા અને 1 છગ્ગો ફટકાર્યો હતો. આ પહેલા વેસ્ટ ઈન્ડિઝની ટીમે 20 ઓવરમાં 5 વિકેટે 258 રન બનાવ્યા હતા. વેસ્ટ ઈન્ડિઝ માટે જોન્સન ચાર્લ્સે શાનદાર સદીની ઇનિંગ રમી હતી. જોન્સન ચાર્લ્સે 46 બોલમાં 118 રન બનાવ્યા હતા. તેણે પોતાની ઇનિંગમાં 10 ફોર અને 11 સિક્સર ફટકારી હતી.