- અભિષેક શર્મા આજે પોતાનો 24મો જન્મદિવસ ઉજવી રહ્યો છે
- IPLમાં સનરાઈઝર્સ હૈદરાબાદ તરફથી રમે છે અભિષેક શર્મા
- અભિષેક ફર્સ્ટ ક્લાસ ડેબ્યૂ કરનાર સૌથી યુવા ખેલાડીઓમાંનો એક છે
અભિષેક શર્માનો આજે 24મો જન્મદિવસ છે. અભિષેક શર્મા એક યુવા ભારતીય ક્રિકેટર છે, જે સ્થાનિક ક્રિકેટમાં પંજાબ અને ઈન્ડિયન પ્રીમિયર લીગ (IPL)માં સનરાઈઝર્સ હૈદરાબાદ તરફથી રમે છે. તે એક ઓલરાઉન્ડર છે જે ડાબા હાથથી વિસ્ફોટક બેટિંગ કરે છે અને ડાબા હાથની ઓર્થોડોક્સ બોલિંગ કરે છે. 16 વર્ષની ઉંમરે, અભિષેક ફર્સ્ટ ક્લાસ ડેબ્યૂ કરનાર સૌથી યુવા ખેલાડીઓમાંનો એક છે. તેણે 2018ના અંડર-19 ક્રિકેટ વર્લ્ડ કપમાં ભારતનું પ્રતિનિધિત્વ કર્યું છે.
અભિષેક શર્માનો પરિવાર
અભિષેક શર્માનો જન્મ 4 સપ્ટેમ્બર 2000ના રોજ અમૃતસર, પંજાબમાં થયો હતો. અભિષેકના પિતા રાજકુમાર શર્મા પણ એક સમયે ક્રિકેટ રમતા હતા અને હાલમાં બેંક ઓફ ઈન્ડિયામાં નોકરી કરે છે. તેની માતાનું નામ મંજુ શર્મા છે, જે ગૃહિણી છે. તેને સાનિયા શર્મા અને કોમલ શર્મા નામની બે બહેનો છે. અભિષેકે માત્ર 3 વર્ષની ઉંમરે ક્રિકેટ રમવાનું શરૂ કર્યું અને તેના પિતા તેના પ્રથમ કોચ હતા.
અભિષેક શર્માની ઘરેલુ ક્રિકેટ કારકિર્દી
અભિષેક શર્માએ પોતાની ક્રિકેટ કારકિર્દીની શરૂઆત પંજાબ તરફથી અંડર-19માં રમીને કરી હતી. તેણે 2015-16 વિજય મર્ચન્ટ ટ્રોફીમાં શાનદાર પ્રદર્શન કર્યું હતું. 25 ફેબ્રુઆરી 2017ના રોજ, અભિષેક શર્માએ વિદર્ભ સામે પંજાબ માટે લિસ્ટ એ ડેબ્યૂ કર્યું. પોતાની પ્રથમ મેચમાં તેણે 46 રનની ઇનિંગ રમી હતી અને 2 વિકેટ ઝડપી હતી. આ પછી, અભિષેકે 6 ઑક્ટોબર 2017ના રોજ 2017-18 રણજી ટ્રોફીમાં હિમાચલ પ્રદેશ સામે પંજાબ માટે ફર્સ્ટ-ક્લાસ ડેબ્યૂ કર્યું. જેમાં તેણે 94 રનની ઇનિંગ રમી અને એક વિકેટ પણ પોતાના નામે કરી.
ડિસેમ્બર 2017માં તેને ન્યુઝીલેન્ડમાં આયોજિત 2018 અંડર-19 ક્રિકેટ વર્લ્ડ કપ માટે ભારતની ટીમમાં સ્થાન આપવામાં આવ્યું હતું. જ્યાં તેણે પોતાના શાનદાર પ્રદર્શનથી ભારતની અંડર-19 ટીમને વર્લ્ડ કપ જીતાડવામાં મદદ કરી હતી. 28 ફેબ્રુઆરી 2021ના રોજ મધ્યપ્રદેશ સામે પંજાબ તરફથી રમતા, અભિષેક શર્માએ લિસ્ટ-એ ક્રિકેટમાં ભારતીય દ્વારા 42 બોલમાં સૌથી ઝડપી સદી ફટકારી હતી. તેણે 2022-23 રણજી સિઝનમાં પંજાબની કપ્તાની પણ સંભાળી હતી. તેણે 2023 સૈયદ મુશ્તાક અલી ટ્રોફી દરમિયાન 51 બોલમાં 112 રન ફટકારીને પંજાબના સ્કોર 275/6માં મદદ કરી હતી. આ કોઈપણ ભારતીય T20 ટીમ દ્વારા સૌથી વધુ T20 સ્કોર છે અને એક ઇનિંગ્સમાં સૌથી વધુ સિક્સર (22) પણ છે.
અભિષેક શર્માની IPL કારકિર્દી
અભિષેક શર્માને 2018ની IPLની હરાજીમાં દિલ્હી ડેરડેવિલ્સ (હવે દિલ્હી કેપિટલ્સ)એ રૂ. 55 લાખમાં ખરીદ્યો હતો. 12 મે 2018ના રોજ, અભિષેક શર્માએ રોયલ ચેલેન્જર્સ બેંગ્લોર સામે તેની IPLની શરૂઆત કરી અને માત્ર 19 બોલમાં 46 રન બનાવીને બધાને પ્રભાવિત કર્યા. જોકે, અભિષેકને દિલ્હી તરફથી ઘણી મેચ રમવાની તક મળી ન હતી. જે બાદ 2019માં સનરાઇઝર્સ હૈદરાબાદે અભિષેકને પોતાની ટીમમાં સામેલ કર્યો હતો. તે 2021 IPL સિઝન સુધી SRH સાથે સંકળાયેલો રહ્યો અને તેણે શાનદાર પ્રદર્શન કર્યું.
2022ની IPL હરાજીમાં, સનરાઈઝર્સ હૈદરાબાદે ફરી એકવાર 6.50 કરોડ રૂપિયાની જોરદાર બોલી લગાવીને અભિષેકને પોતાના કેમ્પમાં સામેલ કર્યો. 2022 IPLમાં, તેણે 14 મેચ રમી અને 133.13ના સ્ટ્રાઈક રેટથી કુલ 426 રન બનાવ્યા. 2023 IPL સિઝનમાં SRH તરફથી રમતા અભિષેકે 11 મેચમાં 14.95ના સ્ટ્રાઈક રેટથી 226 રન બનાવ્યા હતા. હૈદરાબાદ ફ્રેન્ચાઇઝીએ તેને 2024ની IPL સિઝન માટે જાળવી રાખ્યો છે.
અભિષેક શર્મા સાથે જોડાયેલો વિવાદ
પંજાબના યુવા ક્રિકેટર અભિષેક શર્માનું નામ હાલમાં જ એક વિવાદમાં આવ્યું હતું. હકીકતમાં, 20 ફેબ્રુઆરી 2024 ના રોજ, તાન્યા સિંહ નામની એક મોડલે ગુજરાતના સુરતમાં તેના એપાર્ટમેન્ટમાં ફાંસી લગાવીને આત્મહત્યા કરી હતી. તપાસ દરમિયાન, પોલીસને જાણવા મળ્યું કે તાન્યાએ છેલ્લો ફોન અભિષેક શર્માને કર્યો હતો, ત્યારબાદ તેઓએ શર્માને વધુ પૂછપરછ માટે બોલાવ્યા. બાદમાં ખબર પડી કે પોલીસને તાન્યાના ફોનમાંથી બંનેની ઘણી સેલ્ફી મળી છે. અહેવાલ મુજબ, તેઓ રિલેશનશિપમાં હતા અને તેમનું બ્રેકઅપ થઈ ગયું, ત્યારબાદ શર્માએ તાન્યા સાથે વાત કરવાનું બંધ કરી દીધું.
અભિષેક શર્મા વિશે કેટલાક રસપ્રદ તથ્યો
- ક્રિકેટર અભિષેક શર્માનો જન્મ 4 સપ્ટેમ્બર 2000ના રોજ અમૃતસર, પંજાબમાં થયો હતો. તેમના પિતા રાજકુમાર શર્મા પણ એક સમયે ક્રિકેટ રમતા હતા અને હાલમાં બેંક ઓફ ઈન્ડિયામાં નોકરી કરે છે.
- તેણે માત્ર સાડા ત્રણ વર્ષની ઉંમરે ક્રિકેટ રમવાનું શરૂ કર્યું હતું. તેના પિતાએ તેને સ્થાનિક ક્રિકેટ મેદાનમાં તાલીમ આપી હતી.
- અભિષેક શર્માએ 25 ફેબ્રુઆરી 2017ના રોજ 2016-17 વિજય હજારે ટ્રોફીમાં પંજાબ માટે લિસ્ટ Aમાં પ્રવેશ કર્યો હતો અને 6 ઓક્ટોબર 2017ના રોજ 2017-18 રણજી ટ્રોફીમાં પંજાબ માટે ફર્સ્ટ-ક્લાસ ડેબ્યૂ કર્યું હતું.
- 2018માં ન્યૂઝીલેન્ડમાં યોજાયેલા અંડર-19 વર્લ્ડ કપમાં તેણે ભારતીય અંડર-19 ટીમને વર્લ્ડ કપ જીતવામાં મદદ કરી હતી. તે કેટલીક મેચોમાં ઈન્ડિયા A તરફથી પણ રમી ચૂક્યો છે.
- 2018ની IPLની હરાજીમાં, દિલ્હી ડેરડેવિલ્સ (હવે દિલ્હી કેપિટલ્સ)એ તેને 55 લાખ રૂપિયામાં ખરીદ્યો હતો. 12 મે 2018 ના રોજ, તેણે રોયલ ચેલેન્જર્સ બેંગ્લોર સામે તેની IPLની શરૂઆત કરી અને 242ના સ્ટ્રાઈક રેટથી 19 બોલમાં 46 રન બનાવ્યા.
- અભિષેકે 2019 માં સનરાઇઝર્સ હૈદરાબાદ (SRH) માટે રમવાનું શરૂ કર્યું. સનરાઇઝર્સ હૈદરાબાદે તેને 2022ની મેગા ઓક્શનમાં 6.5 કરોડ રૂપિયાની મોટી રકમમાં પોતાની ટીમમાં સામેલ કર્યો હતો, જ્યારે તેની મૂળ કિંમત 20 લાખ રૂપિયા હતી.
- 2022 IPLમાં અભિષેક શર્માએ 14 મેચ રમી અને 133.13ના સ્ટ્રાઈક રેટથી કુલ 426 રન બનાવ્યા.
- તેણે 2022-23ની રણજી સિઝનમાં પંજાબ ટીમની કેપ્ટનશિપ પણ કરી હતી. તેણે 2023 સૈયદ મુશ્તાક અલી ટ્રોફી (SMAT) દરમિયાન 51 બોલમાં 112 રન ફટકારીને પંજાબને 6 વિકેટે 275 રન બનાવવામાં મદદ કરી. આ કોઈપણ ભારતીય T20 ટીમ દ્વારા સૌથી વધુ T20 સ્કોર છે અને એક ઇનિંગ્સમાં સૌથી વધુ સિક્સર (22) પણ છે.
- અભિષેક શર્મા પૂર્વ ભારતીય ક્રિકેટર યુવરાજ સિંહને પોતાનો આદર્શ માને છે.
- ક્રિકેટ ઉપરાંત અભિષેકને ગોલ્ફ રમવાનો પણ શોખ છે.
