- બાબરે કહ્યું બહાર શું થઈ રહ્યું છે તેનાથી કોઈ ફરક પડતો નથી
- ઈંગ્લેન્ડ સામેની હાર બાદ પાકિસ્તાન ક્રિકેટમાં ખળભળાટ મચી ગયો
- બાબરને સારો કેપ્ટન બનાવવામાં મદદ કરશું - આફ્રિદી
ઈંગ્લેન્ડ સામેની ટેસ્ટ શ્રેણીમાં 0-3થી મળેલી હાર બાદ પાકિસ્તાન ક્રિકેટમાં ખળભળાટ મચી ગયો છે. ક્રિકેટ બોર્ડના અધ્યક્ષથી લઈને પસંદગીકારો સુધી બધું જ બદલાઈ ગયું છે. પાકિસ્તાનમાં ચાર દિવસમાં બે મોટા ફેરફારો થયા છે અને હવે બાબર આઝમની કેપ્ટનશીપ પર પણ ખતરો તોળાઈ રહ્યો છે. થોડા મહિના પહેલા ઈંગ્લેન્ડ ક્રિકેટમાં પણ આવું જ બન્યું હતું. તે સમયે ઈંગ્લેન્ડની ટીમ એશિઝ શ્રેણીમાં ઓસ્ટ્રેલિયા સામે ખરાબ રીતે હારી ગઈ હતી. આ પછી, ત્યાં કેપ્ટનથી લઈને કોચ અને ક્રિકેટ બોર્ડના ડિરેક્ટર સુધી બધું જ બદલાઈ ગયું. પરિણામ એ આવ્યું કે ઈંગ્લેન્ડે ટેસ્ટ રમવાની રીત બદલી નાખી. ત્યારથી આ ટીમે 10માંથી 9 ટેસ્ટ જીતી છે.
બાબરે કહ્યું બહાર શું થઈ રહ્યું છે તેનાથી કોઈ ફરક પડતો નથી
પાકિસ્તાનના કેપ્તાન બાબર આઝમે કહ્યું કે તેઓ જાણે છે કે પાકિસ્તાન ક્રિકેટમાં ઘણા ફેરફારો થઈ રહ્યા છે, પરંતુ તેમનું ધ્યાન ક્રિકેટ પર છે. આ બધી બાબતો મેદાનની બહાર થઈ રહી છે અને તે મેદાનની બહાર થઈ રહેલી બાબતો પર વધુ ધ્યાન આપતો નથી. તેનું ધ્યાન માત્ર તેની રમત અને સારું પ્રદર્શન કરવા પર છે. તેની ટીમ છેલ્લી ટેસ્ટ શ્રેણીમાં સારું પ્રદર્શન કરી શકી ન હતી, પરંતુ આ શ્રેણીમાં તે ન્યૂઝીલેન્ડ સામે સારી રમત બતાવવા માંગશે.
બાબરને સારો કેપ્ટન બનાવવામાં મદદ કરશું - આફ્રિદી
પાકિસ્તાનના નવા ચીફ સિલેક્ટર શાહિદ આફ્રિદીએ કહ્યું છે કે બાબર આઝમ ખુબ સારો બેટ્સમેન છે અને તેઓ તેને કેપ્ટન તરીકે સમર્થન પણ આપું છું. મારુ કામ બાબરને વધુ સારો કેપ્ટન બનાવવાનું છે અને તે બાબરને વધુ સારું પ્રદર્શન કરવામાં મદદ કરશે. આફ્રિદીએ એમ પણ કહ્યું કે બાબર આઝમ વર્કલોડ વિશે વાત કરી ચૂક્યો છે. આવી સ્થિતિમાં, તે બેન્ચ સ્ટ્રેન્થને અજમાવવા માંગશે અને ઘણા ખેલાડીઓ, જેઓ લાંબા સમયથી ટીમની બહાર છે, તેઓ પણ તેને તક આપવાનો પ્રયાસ કરશે.
