- રોયલ ચેલેન્જર્સ બેંગ્લોરએ વિમેન્સ પ્રીમિયર લીગ 2024નું ટાઇટલ જીત્યુ
- જીત સાથે બેંગ્લોરની ટીમે વિરાટ કોહલીના રેકોર્ડને તોડ્યો
- RCBએ ઇન્સ્ટાગ્રામ પોસ્ટ પર સૌથી ઝડપી 1 મિલિયન લાઇક્સનો રેકોર્ડ પોતાના નામે કર્યો
રોયલ ચેલેન્જર્સ બેંગ્લોર (RCB) એ વિમેન્સ પ્રીમિયર લીગ 2024 (WPL 2024) ની ફાઇનલમાં દિલ્હી કેપિટલ્સ (DC) ને હરાવીને ટાઇટલ જીત્યું. આ જીત સાથે બેંગ્લોરની ટીમે વિરાટ કોહલીના રેકોર્ડને તોડી નાખ્યો. IPL ટ્રોફી જીતવાનો આ કોઈ ખાસ રેકોર્ડ નહોતો, પરંતુ સોશિયલ મીડિયા પર એક ખૂબ જ ખાસ રેકોર્ડ તોડવામાં આવ્યો હતો, જે આ પહેલા વિરાટ કોહલીના નામે હતો.
RCBએ તોડ્યો વિરાટ કોહલીનો રેકોર્ડ
RCBએ એક ઇન્સ્ટાગ્રામ પોસ્ટ પર સૌથી ઝડપી 1 મિલિયન લાઇક્સનો રેકોર્ડ પોતાના નામે કર્યો છે, જે અગાઉ વિરાટ કોહલીના નામે હતો. RCBની વિજેતા પોસ્ટને માત્ર 9 મિનિટમાં 10 લાખ લાઈક્સ મળી છે. જ્યારે વિરાટ કોહલીના નામે 10 મિનિટનો આ રેકોર્ડ હતો. કોહલીની એક પોસ્ટને 10 મિનિટમાં સૌથી ઝડપી 1 મિલિયન લાઈક્સ મળી છે.
આરસીબીનું ઇન્સ્ટાગ્રામ 9 મિનિટમાં પોસ્ટ પર 1 મિલિયન લાઇક્સ પૂર્ણ કરનાર પ્રથમ ભારતીય એકાઉન્ટ બન્યું છે. અગાઉ, કોહલીનું એકાઉન્ટ 1 મિલિયન લાઇક્સ મેળવનારું સૌથી ઝડપી ભારતીય ઇન્સ્ટાગ્રામ એકાઉન્ટ હતું.
આરસીબી ફ્રેન્ચાઇઝીએ પહેલું ટાઇટલ જીત્યું
RCB ફ્રેન્ચાઈઝીની સ્થાપનાને 16 વર્ષથી વધુ સમય થઈ ગયો છે. ફ્રેન્ચાઈઝીની શરૂઆત 2008માં IPLની પ્રથમ સીઝનથી થઈ હતી, પરંતુ 2024માં તેણે તેનું પ્રથમ ટાઈટલ જીત્યું હતું. આ ફ્રેન્ચાઈઝીની શરૂઆત 2008માં પુરૂષોની ટીમ સાથે થઈ હતી, પરંતુ મહિલા ટીમે તેનું પ્રથમ ટાઈટલ જીત્યું હતું.
RCB મહિલા ટીમની શરૂઆત 2023માં કરવામાં આવી હતી, જ્યારે મહિલા પ્રીમિયર લીગ શરૂ થઈ હતી. RCBની પુરૂષ ટીમ IPLની 16 સિઝન રમીને પણ ટાઈટલ જીતી શકી નથી, પરંતુ ફ્રેન્ચાઈઝીની મહિલા ટીમે લીગની બીજી સિઝનમાં જ ટાઈટલ જીતી લીધું હતું.
દિલ્હી કેપિટલ્સને હરાવ્યું
નોંધનીય છે કે આરસીબીએ ફાઇનલ મેચ દિલ્હી કેપિટલ્સ સામે રમી હતી. ટોસ જીતીને પ્રથમ બેટિંગ કરવા ઉતરેલી દિલ્હીની ટીમ 18.3 ઓવરમાં 113 રનના સ્કોર પર ઓલઆઉટ થઈ ગઈ હતી. ત્યારબાદ લક્ષ્યનો પીછો કરતી વખતે આરસીબીએ 2 વિકેટે જીત મેળવી હતી. આ રીતે સ્મૃતિ મંધાનાની ટીમે 8 વિકેટે જીત મેળવી હતી.
