‘Jasprit Bumrah મારી સ્મેશનો સામનો નહીં કરી શકે..!’ સાઇના નેહવાલનું ચોંકાવનારૂ નિવેદન

• બેડમિન્ટન સુપરસ્ટાર સાયના નેહવાલે ક્રિકેટ પર આકરા પ્રહારો કર્યા
  
• ક્રિકેટ બેડમિન્ટન, ટેનિસ અને બાસ્કેટબોલ કરતાં ઓછી જોખમી રમત
• બુમરાહ મારી 300ની ઝડપની સ્મેશનો સામનો કરી શકશે નહી

ઓલિમ્પિક 2012માં બ્રોન્ઝ મેડલ જીતનારી ભારતીય મહિલા બેડમિન્ટન સુપરસ્ટાર સાયના નેહવાલે ક્રિકેટ પર આકરા પ્રહારો કર્યા છે. થોડા સમય પહેલા એક પોડકાસ્ટ પર બોલતા, સાઇના નેહવાલે કહ્યું હતું કે ક્રિકેટ બેડમિન્ટન, ટેનિસ અને બાસ્કેટબોલ કરતાં ઓછી જોખમી રમત છે.

અંગક્રિશ રઘુવંશીએ કર્યા હતા સવાલ!

થોડા દિવસો પછી, કોલકાતા નાઈટ રાઈડર્સના ખેલાડી અંગક્રિશ રઘુવંશીએ સાઈના નેહવાલના પોડકાસ્ટની એક ટૂંકી ક્લિપ શેર કરતી વખતે લખ્યું કે ચાલો જોઈએ કે જ્યારે બુમરાહ તેના માથા પર 150 કિમી પ્રતિ કલાકની ઝડપે બોલ ફેંકે છે ત્યારે તે શું કરે છે. થોડા દિવસો બાદ અંગક્રિશે આ ટ્વીટ સોશિયલ મીડિયા પરથી હટાવી દીધી હતી. પરંતુ આ દરમિયાન, તેની પોસ્ટના સ્ક્રીનશોટ સોશિયલ મીડિયા પર વાયરલ થવા લાગ્યા. જેના પર હવે સાઇના નેહવાલે પલટવાર કર્યો છે.

બુમરાહનું નામ લઈને નેહવાલનો વળતો પ્રહાર

તાજેતરમાં સાઇના નેહવાલ શુભંકર મિશ્રાના પોડકાસ્ટ પર વાત કરતી જોવા મળી હતી. આ દરમિયાન નેહવાલે નકારી કાઢ્યું હતું કે ક્રિકેટ બેડમિન્ટન કરતાં વધુ જોખમી રમત છે. સાઇના નેહવાલે કહ્યું કે જે રીતે તે પ્રેક્ટિસ વિના બુમરાહનો સામનો કરી શકશે નહીં, તેવી જ રીતે તે પણ બેડમિન્ટનમાં તેની 300 કિમી પ્રતિ કલાકની સ્મેશનો સામનો કરી શકશે નહીં.

નેહવાલ કહે છે કે હું જસપ્રીત બુમરાહનો સામનો કેમ કરીશ, હા જો મેં તેની સાથે 8 વર્ષ ક્રિકેટ રમી હોત તો મેં બુમરાહની બોલિંગનો પણ જવાબ આપ્યો હોત. હું માનું છું કે દરેક રમત તેની પોતાની જગ્યાએ શ્રેષ્ઠ છે. આપણે આપણા જ દેશમાં આવી વસ્તુઓ માટે લડવું ન જોઈએ.

ક્રિકેટની સરખામણીમાં અન્ય રમતોને સુવિધા આપવી જોઈએ

સાયના નેહવાલનું માનવું છે કે જો આપણા દેશમાં ક્રિકેટને વધુ સમર્થન અને સુવિધાઓ આપવામાં આવે છે, તે જ રીતે અન્ય રમતો માટે કરવામાં આવે છે, તો ભારતીય એથ્લેટ્સ સમગ્ર વિશ્વમાં સારું પ્રદર્શન કરશે અને ઓલિમ્પિકમાં પણ વધુ મેડલ જીતશે.