આર્જેન્ટિના 36 વર્ષે ચેમ્પિયન, મેસ્સીની વિજયી વિદાય

• વર્લ્ડકપની ફાઇનલમાં ત્રીજીવાર પેનલ્ટી શૂટઆઉટની ઘટના સર્જાઇ હતી
  
  
  
• રોમાંચક ફાઇનલમાં ફ્રાન્સનો પેનલ્ટી શૂટઆઉટમાં 4-2થી પરાજય થયો
• ફ્રાન્સ વતી એમબાપેએ ત્રણ ગોલ જ્યારે પેનલ્ટી શૂટઆઉટમાં એક ગોલ કર્યો હતો

અત્યંત રોમાંચક બનેલી ફુટબોલ વર્લ્ડકપની ફાઇનલ મેચમાં આર્જેન્ટીનાએ પેનલ્ટીમાં ફ્રાન્સને 4-2 થી પરાજય આપ્યો હતો. વર્લ્ડકપની ફાઇનલમાં ત્રીજીવાર પેનલ્ટી શૂટઆઉટની ઘટના સર્જાઇ હતી. આર્જેન્ટીનાનો વર્લ્ડકપની પહેલી મેચમાં પરાજય થયો હતો. ફ્રાન્સની ટીમ સતત બીજીવાર વર્લ્ડકપ વિજયથી વંચિત રહી હતી.આ પહેલા 2006માં પણ ફ્રાન્સ પેનલ્ટી શૂટઆઉટમાં પરાજિત થયું હતું. આ પહેલા બંને ટીમો નિર્ધારિત 90 મિનિટમાં બંને ટીમો 2-2થી બરાબરી પર રહી હતી જે બાદ ઇન્જરી ટાઇમમાં પણ પંને ટીમ ગોલ નહીં કરી શકતા મેચ એક્સ્ટ્રા ટાઇમમાં ગઇ હતી જ્યાં આર્જેન્ટીનાએ સુકાની લિયોનેલ મેસ્સીના શાનદાર ગોલની મદદથી પોતાની ટીમને 3-2થી આગળ કર્યુ હતું.પરંતુ ફ્રાન્સ વતી એમ્બાપેએ સતત ત્રીજો ગોલ ફટકારીને સ્કોરને 3-3 પર લાવી મુક્યુ હતું અને એક્સ્ટ્રા ટાઇમમાં સ્કોર 3-3 પર રહેલા મેચ પેનલ્ટીમાં ગઇ હતી. પેનલ્ટી શૂટઆઉટમાં ફ્રાન્સના બે ગોલ વિરુદ્ધ આર્જેન્ટીનાએ ગોલ કરીને ત્રીજી વાર ફુટબોલ વર્લ્ડકપમાં ચેમ્પિયન બન્યું હતું.