ભારતની હારથી ખુશ બાબર આઝમ, ઓસ્ટ્રેલિયાની જીતની કરી ઉજવણી

• ઓસ્ટ્રેલિયા સામે ભારતની 6 વિકેટે કારમી હાર
  
• ઓસ્ટ્રેલિયાની જીત પર બાબર આઝમે ઉજવણી કરી
• આફ્રિદીએ ઓસ્ટ્રેલિયાને જીત માટે અભિનંદન પાઠવ્યા

વર્લ્ડકપ ફાઇનલમાં ઓસ્ટ્રેલિયા સામે ભારતને કારમી હારનો સામનો કરવો પડ્યો છે. આખી ટૂર્નામેન્ટમાં નંબર વન રહેનારી ટીમ ઈન્ડિયાને ફાઈનલમાં ઓસ્ટ્રેલિયા સામે હારનો સામનો કરવો પડ્યો હતો. આ હાર બાદ કરોડો ચાહકોના દિલ એકસાથે તૂટી ગયા છે. ભારતીય ખેલાડીઓ આ હારને પચાવી શક્યા નથી. ભારતની હાર બાદ કેપ્ટન રોહિત શર્મા સહિત ઘણા ખેલાડીઓની આંખોમાં આંસુ જોવા મળ્યા હતા. પરંતુ આનાથી પાકિસ્તાનનો કેપ્ટન બાબર આઝમ ઘણો ખુશ થઈ ગયો છે.

બાબરે ઇન્સ્ટા સ્ટોરી પોસ્ટ કરી હતી

પાકિસ્તાનના કેપ્ટન બાબર આઝમે ભારતની હાર અને ઓસ્ટ્રેલિયાની જીતની ઉજવણી કરી હતી. બાબર આઝમ નહોતા ઈચ્છતા કે ભારત ફાઈનલ જીતે. જ્યારે ભારત આ મેચ હારી ગયું ત્યારે બાબરે ઉજવણી કરી હતી. તમને ભારતની હાર બાદ બાબર આઝમે પોતાની ઈન્સ્ટા સ્ટોરી પર ઓસ્ટ્રેલિયાને જીત માટે અભિનંદન પાઠવ્યા હતા. કાંગારૂ ટીમને અભિનંદન આપતાં બાબરે લખ્યું કે ફાઇનલમાં શાનદાર પ્રદર્શન કર્યું છે. વર્લ્ડકપનો ખિતાબ જીતવા બદલ ખૂબ ખૂબ અભિનંદન.

શાહિન આફ્રિદીએ પણ પોસ્ટ કરી

આ સિવાય પાકિસ્તાનના T20 કેપ્ટન શાહિન શાહ આફ્રિદીએ પણ ઓસ્ટ્રેલિયાને જીત માટે અભિનંદન પાઠવ્યા છે. પરંતુ આફ્રિદીએ પોસ્ટ શેર કરતી વખતે ભારતનો ઉલ્લેખ પણ કર્યો છે. આફ્રિદીએ કહ્યું કે ઓસ્ટ્રેલિયાને વર્લ્ડકપ જીતવા બદલ ખૂબ ખૂબ અભિનંદન. એમાં કોઈ શંકા નથી કે ટીમ ફાઇનલમાં સારું રમી છે. ભારત આખી ટુર્નામેન્ટમાં સારું રમ્યું, પરંતુ ફાઇનલમાં પોતાનું સર્વશ્રેષ્ઠ પ્રદર્શન કરી શક્યું નહીં. ભારતનું નસીબ ખરાબ હતું, તેથી જ આખી ટુર્નામેન્ટમાં સારું રમવા છતાં તે ફાઇનલમાં ઓસ્ટ્રેલિયા સામે હારી ગયું.