હરિયાણા અને પંજાબમાં પૂરગ્રસ્ત લોકો માટે આગળ આવ્યા કુસ્તીબાજ બજરંગ પુનિયા

• હરિયાણા અને પંજાબમાં પૂરગ્રસ્ત લોકોની બજરંગ પુનિયાએ કરી મદદ
  
• બજરંગે હરિયાણા અને પંજાબમાં સૂકા રાશનના 100-100 પેકેટ મોકલ્યા
• પશુઓ માટે 5 ટ્રોલી ચારાની વ્યવસ્થા કરી

ભારતમાં ભારે વરસાદને કારણે ઘણા રાજ્યો પૂરની અસરનો સામનો કરી રહ્યા છે. આમાં હરિયાણા અને પંજાબ પણ સામેલ છે. હવે ભારતીય કુસ્તીબાજ બજરંગ પુનિયા હરિયાણા અને પંજાબમાં પૂરગ્રસ્ત લોકો માટે આગળ આવ્યા છે. બજરંગ પુનિયાએ પૂરગ્રસ્ત લોકોને મદદ કરી હતી. તેમણે ટ્વિટર દ્વારા આ માહિતી શેર કરી છે. બજરંગે મનુષ્યોની સાથે સાથે પ્રાણીઓની પણ મદદ કરી હતી.

બજરંગે જણાવ્યું હતું કે તેમણે પોતાની કમાણીથી હરિયાણા અને પંજાબમાં સૂકા રાશનના 100-100 પેકેટ મોકલ્યા હતા. આ ઉપરાંત તેમણે પશુઓ માટે 5 ટ્રોલી ચારાની વ્યવસ્થા પણ કરી હતી. તેમણે ખેડૂતો, મજૂરો અને સામાન્ય લોકોના નુકસાનની ભરપાઈ કરવા માટે સરકાર પાસે વળતરની માંગ કરી છે. આ સિવાય તેમણે લોકોને અપીલ કરી હતી કે જેમને પૂરમાંથી બચાવી લેવામાં આવ્યા છે તેઓ આગળ આવે અને પૂરગ્રસ્તોને મદદ કરે.

ભારતીય કુસ્તીબાજએ ટ્વિટર પોસ્ટ પર લખ્યું હતું કે, 'મેં પૂર પ્રભાવિત લોકોને મદદ કરવા માટે એક નાનો પ્રયાસ કર્યો છે. મારી અંગત આવકથી હું ડ્રાય રાશનના 100 પેકેટ હરિયાણા અને 100 પેકેટ પંજાબ મોકલી રહ્યો છું અને પશુઓ માટે 5 ટ્રોલી ચારાની વ્યવસ્થા કરી છે. આપણે બધાએ એક ટીમની જેમ આ આપત્તિમાંથી પસાર થવું પડશે. આભાર.'

સૂકા રાશનના પેકેટમાં શેનો સમાવેશ?

બજરંગે એ પણ માહિતી આપી હતી કે રાશનના સૂકા પેકેટમાં ચોખા, ખાંડ, લોટ, કઠોળ, ચાની પત્તી અને તેલ સમાવેશ થાય છે.

દરેકને આગળ આવવા વિનંતી કરી

આ પોસ્ટ દ્વારા દરેકને આગળ આવવાની અપીલ કરતા બજરંગ પુનિયાએ લખ્યું હતું કે, 'આ મુશ્કેલ સમયમાં આ આપત્તિને દૂર કરવાની જવાબદારી આપણા બધાની છે. સરકારને પણ આપત્તિ વ્યવસ્થાપન વહેલી તકે કરવા વિનંતી છે. લોકોને પણ સામાજિક સંસ્થાઓ, કાર્યકરો અને વહીવટીતંત્રને સહકાર આપવા અનુરોધ કરાયો છે. દરેક વ્યક્તિએ એક ટીમ તરીકે કામ કરવાની જરૂર છે.