- પેરિસ ઓલિમ્પિકમાં વિવાદોના કારણે પણ ચર્ચામાં રહી
- વિવાદોના ઘેરામાં અલ્જેરિયાની ઈમાન ખલીફ નામની બોક્સર
- એથ્લેટના ટેસ્ટોસ્ટેરોનનું પ્રમાણ પર કોઇ નિયંત્રણ નહીં
પેરિસ ઓલિમ્પિકમાં ઘણા વિવાદો થયા હતા. જેમાં અલ્જેરિયાની મહિલા બોક્સર લિંગ વિવાદથી લઇને વિનેશ ફોગાટને ડિસક્વોલિફાય થઇ હતી. અલ્જેરિયાની ઈમાન ખલીફ નામની બોક્સરને ભૂતકાળમાં આંતરરાષ્ટ્રીય ટુર્નામેન્ટમાં ભાગ લેવાથી પ્રતિબંધિત કરવામાં આવી હતી કારણ કે તેણીમાં ટેસ્ટોસ્ટેરોનનું સ્તર ઊંચું હોવાનું જણાયું હતું. ઓલિમ્પિક ગેમ્સ દરમિયાન સોશિયલ મીડિયા પર ખલીફ માટે ખરાબ શબ્દોનો ઉપયોગ કરવામાં આવ્યો હતો. હવે આ મામલે બોલિવૂડ એક્ટ્રેસ તાપસી પન્નુ પણ કૂદી પડી છે.
તાપસી પન્નુએ લોકો પર ભડાસ કાઢી
તાપસી પન્નુએ આ વિષય પર પ્રકાશ પાડ્યો અને કહ્યું કે તેણે ફિલ્મ 'રશ્મિ રોકેટ' કરી છે. તે મૂવીમાં પણ મહિલા એથ્લેટનું લિંગ પરીક્ષણ કરવામાં આવે છે. તેણે કહ્યું, "મેં આ વિષય પર એક ફિલ્મ કરી હતી. રશ્મિ રોકેટમાં, મહિલા એથ્લેટ પર ટેસ્ટોસ્ટેરોનનું પ્રમાણ વધુ હોવાને કારણે પ્રતિબંધિત છે." તે ફિલ્મમાં, એક યુવાન સ્ત્રી દોડવીરનું જીવન લિંગ વેરિફિકેશન ટેસ્ટ પછી ઊંધું વળે છે.
આ ખેલાડીના હાથમાં નથી: તાપસી
તાપસી પન્નુએ જણાવ્યું કે તેની ફિલ્મનો આધાર એવા નિયમો હતા જેના હેઠળ એથ્લેટ્સને ટેસ્ટોસ્ટેરોનના ઉચ્ચ સ્તરને કારણે ગેરલાયક ઠેરવવામાં આવે છે. આ વિષય પર, તાપસી કહે છે કે તેનો કોઈ વ્યક્તિના હોર્મોન્સ પર કોઈ નિયંત્રણ નથી. રશ્મિ રોકેટમાં આ જ મુદ્દો ઉઠાવવામાં આવ્યો છે કે કેટલાક એથ્લેટ્સ અન્ય કરતા વધુ શક્તિ સાથે જન્મે છે.
યુસૈન બોલ્ટને પણ ગેરલાયક ઠેરવો
ઉદાહરણ આપતા બોલિવૂડની આ અભિનેત્રીએ એમ પણ કહ્યું કે યુસૈન બોલ્ટ અને માઈકલ ફેલ્પ્સ જેવા એથ્લેટ્સ જન્મથી જ જૈવિક આધાર પર અન્ય કરતા સારા છે તો તેમના પર પ્રતિબંધ શા માટે નથી? સ્પષ્ટ શબ્દોમાં કહીએ તો, તાપસીએ અભિપ્રાય વ્યક્ત કર્યો છે કે ઈન્જેક્શન અથવા કોઈપણ પ્રકારની દવાઓ લેવી યોગ્ય નથી. આવી સ્થિતિમાં કોઈપણ એથ્લેટ પર પ્રતિબંધ મૂકવો જોઈએ. પરંતુ તેમના મતે, જેના પર કોઈનું નિયંત્રણ નથી તેના માટે તેઓને કેમ ગેરલાયક ઠેરવવામાં આવે છે?
