Musheer Khanને BCCI આપી શકે છે મોટું સરપ્રાઇઝ, યુવા સ્ટારની ખુલશે કિસ્મત!

સરફરાઝ ખાનનો ભાઈ મુશીર ખાન તાજેતરમાં જ દુલીપ ટ્રોફી 2024 દરમિયાન બ્લાસ્ટમાં જોવા મળ્યો હતો. મુશીરે પહેલી જ મેચમાં શાનદાર સદી ફટકારી હતી. મુશીર ઘરેલુ ક્રિકેટમાં સતત શાનદાર પ્રદર્શન કરી રહ્યો છે. મુશીરે રણજી ટ્રોફીમાં બેવડી સદી અને એક સદી પણ ફટકારી હતી. હવે ભારતીય ક્રિકેટ કંટ્રોલ બોર્ડ (BCCI) ટૂંક સમયમાં જ મુશીર ખાનને આ શાનદાર પ્રદર્શનની ભેટ આપી શકે છે.

ઈન્ડિયા A માં પ્રવેશ કરી શકે છે મુશીર

મુશીર ખાને દુલીપ ટ્રોફી 2024માં ઈન્ડિયા B માટે બેટિંગ કરતા ઈન્ડિયા A સામે 181 રનની ઈનિંગ રમી હતી. હવે BCCI ઓસ્ટ્રેલિયા પ્રવાસ માટે ભારત A ટીમમાં મુશીર ખાનનો સમાવેશ કરી શકે છે. મુશીર ખાનની ફિટનેસ અને ફોર્મને જોતા તે ઓસ્ટ્રેલિયા A સામે રમશે તે નિશ્ચિત માનવામાં આવે છે. હવે જોવાનું એ રહે છે કે શું BCCI ખરેખર મુશીરને આગામી ઓસ્ટ્રેલિયા પ્રવાસ માટે ટીમમાં સામેલ કરે છે.

ઓસ્ટ્રેલિયા સામે રમતો દેખાઇ શકે છે મુશીર ખાન

ઓસ્ટ્રેલિયા પ્રવાસ પર બંને ટીમો વચ્ચે ટેસ્ટ મેચ પણ રમાશે. ભારત A ટીમ નવેમ્બરમાં ઓસ્ટ્રેલિયાના પ્રવાસે જઈ રહી છે. મુશીર ખાને રેડ બોલ ક્રિકેટમાં પોતાના શાનદાર પ્રદર્શનથી લાંબા સમયથી પસંદગીકારોનું ધ્યાન પોતાની તરફ ખેંચ્યું છે. આ પહેલા મુશીરે અંડર-19 વર્લ્ડકપમાં પણ શાનદાર પ્રદર્શન કર્યું હતું. મુશીરે આ ટૂર્નામેન્ટમાં બે શાનદાર સદી ફટકારી હતી.

જાણકારી અનુસાર ભારત A ટીમની પસંદગી દુલીપ ટ્રોફી 2024 અને ઈરાની કપમાં તેના પ્રદર્શનના આધારે કરવામાં આવશે. દુલીપ ટ્રોફી બાદ મુશીર ઈરાની કપમાં પણ રમતા જોવા મળશે.