અંડર-19 મહિલા ટીમની જીત પર BCCI ગદગદ, ચેમ્પિયન ટીમ પર કરોડોનો વરસાદ

• કેપ્ટન શેફાલી વર્માએ 15 રન કર્યા હતા 
  
• ફાઈનલ મેચમાં ઈંગ્લેન્ડને સાત વિકેટે હરાવ્યું
• કુલ પાંચ કરોડ રૂપિયાની ઈનામી રકમની જાહેરાત

ભારતીય અંડર-19 મહિલા ટીમે T20 વર્લ્ડ કપની ફાઈનલ મેચમાં ઈંગ્લેન્ડને સાત વિકેટે હરાવ્યું હતું. ટીમ ઈન્ડિયાની જીત બાદ BCCIએ ભારતીય ટીમ માટે ઈનામી રકમની જાહેરાત કરી છે. બીસીસીઆઈના સચિવ જય શાહે આ માહિતી આપી હતી. આ જીત સાથે જ ભારતીય મહિલા ટીમનું વર્લ્ડ કપ ટાઈટલ જીતવાનું સપનું પૂરું થયું. આ પહેલા ભારતની સિનિયર કે જુનિયર મહિલા ટીમ ક્યારેય ટાઈટલ જીતી શકી નથી.

ટીમ ઈન્ડિયાની જીત બાદ BCCIએ ખેલાડીઓ અને સ્ટાફ માટે કુલ પાંચ કરોડ રૂપિયાની ઈનામી રકમની જાહેરાત કરી છે. BCCI સેક્રેટરી જય શાહે આ જાણકારી આપી છે. જય શાહે ટ્વીટ કર્યું, 'ભારતમાં મહિલા ક્રિકેટ ખુબ સારી જગ્યાએ છે અને વર્લ્ડ કપની જીતથી મહિલા ક્રિકેટનું કદ ઘણું ઊંચું થયું છે. આખી ટીમ અને સપોર્ટ સ્ટાફ માટે ઈનામ તરીકે 5 કરોડ રૂપિયાની જાહેરાત કરતાં મને આનંદ થાય છે. આ ચોક્કસપણે એક પાથ-બ્રેકિંગ વર્ષ છે.

વડાપ્રધાન નરેન્દ્ર મોદીએ આ જીત બદલ ટીમને અભિનંદન પાઠવ્યા છે. પીએમ મોદીએ લખ્યું, 'આઈસીસી અંડર-19 વર્લ્ડ કપમાં ખાસ જીત માટે ભારતીય ટીમને અભિનંદન. તેમણે શાનદાર ક્રિકેટ રમી છે અને તેમની સફળતા ઘણા આવનારા ક્રિકેટરોને પ્રેરણા આપશે. ટીમને તેમના ભવિષ્ય માટે શુભકામનાઓ.

યુપીના સીએમ યોગી આદિત્યનાથે અભિનંદન પાઠવ્યા અને લખ્યું, 'દેશની દીકરીઓએ આજે ​​વર્લ્ડ કપ જીત્યો છે. સમગ્ર ટીમને હાર્દિક અભિનંદન. ટીમના અતૂટ સમર્પણ અને સખત મહેનત દ્વારા હાંસલ કરેલી આ ઐતિહાસિક સિદ્ધિ દેશ અને વિશ્વની પ્રતિભાઓ માટે પ્રેરણારૂપ છે.

કેન્દ્રીય રમતગમત મંત્રી અનુરાગ ઠાકુરે લખ્યું, 'અમારા યુવા ચેમ્પિયનને અભિનંદન! આ આપણા ઉભરતા ખેલાડીઓ માટે તેમની કારકિર્દીમાં અસંખ્ય જીતની શરૂઆત બની શકે! મહિલા ક્રિકેટ અત્યારે ખુબ સારી સ્થિતિમાં છે. 

ફાઈનલ મેચમાં ભારતીય ટીમને જીતવા માટે 69 રન બનાવવાના હતા, જેને તેણે 36 બોલ બાકી રહેતા આસાનીથી જીત હાંસલ કરી હતી. સૌમ્યા તિવારી 24 રન બનાવીને અણનમ રહી હતી. ત્યાં જી. ત્રિશાએ પણ 24 રનની ઇનિંગ રમી હતી. કેપ્ટન શેફાલી વર્માની વાત કરીએ તો તેણે 15 રનનું યોગદાન આપ્યું હતું.