- શ્રેયસ અને કિશનને BCCI સેન્ટ્રલ કોન્ટ્રાક્ટ લિસ્ટમાંથી બહાર કર્યા હતા
- BCCIએ ઐયર અને કિશન સહિત 30 ખેલાડીઓની યાદી જાહેર કરી
- મોટાભાગના ખેલાડીઓએ ડોમેસ્ટિક ક્રિકેટમાં ખૂબ સારું પ્રદર્શન કર્યું
શ્રેયસ ઐયર અને ઈશાન કિશનને BCCI સેન્ટ્રલ કોન્ટ્રાક્ટ લિસ્ટમાંથી બહાર કર્યાના સમાચાર બહુ જૂના નથી. રણજી ટ્રોફી અને અન્ય ડોમેસ્ટિક મેચો ન રમવાના કારણે તેને સેન્ટ્રલ કોન્ટ્રાક્ટની યાદીમાંથી બહાર કરી દેવામાં આવ્યા હતા. તાજેતરમાં BCCIએ કહ્યું હતું કે આ બંને ક્રિકેટરોને પડતો મુકવાનો નિર્ણય તેમનો નહીં પરંતુ ચીફ સિલેક્ટર અજીત અગરકરનો હતો. હવે સમાચાર આવ્યા છે કે ભારતીય ક્રિકેટ કંટ્રોલ બોર્ડે ઐયર અને કિશન સહિત 30 ખેલાડીઓની યાદી જાહેર કરી છે, જેના પર પસંદગી સમિતિ ચાંપતી નજર રાખશે.
શરૂ કરાશે તાલીમ શિબિર
એક તાલીમ શિબિર શરૂ કરવામાં આવશે, જે નેશનલ ક્રિકેટ એકેડમીમાં લગભગ એક મહિના સુધી ચાલશે. આ કેમ્પમાં શ્રેયસ ઐયર, ઈશાન કિશન, મયંક યાદવ, મુશીર ખાન, સાઈ કિશોર, પૃથ્વી શો સહિત 30 ખેલાડીઓના પ્રદર્શન પર નજર રાખવામાં આવશે. આ 30 ખેલાડીઓમાંથી મોટાભાગના ખેલાડીઓએ ડોમેસ્ટિક ક્રિકેટમાં ખૂબ સારું પ્રદર્શન કર્યું છે. ઘરેલું ક્રિકેટમાં મુંબઈ માટે રમતા મુશીર ખાને મુંબઈને રણજી ટ્રોફી ટ્રોફી જીતવામાં મદદ કરવામાં મહત્વની ભૂમિકા ભજવી હતી. તેણે રણજી ટ્રોફી 2023-2024ની માત્ર 3 નોકઆઉટ મેચોમાં 433 રન બનાવ્યા હતા. વીવીએસ લક્ષ્મણ આ તાલીમ શિબિરના વડા રહેશે.
પસંદગીકારોને ઐયર અને કિશન સાથે કોઈ દુશ્મની નથી
BCCIના એક સૂત્રએ કહ્યું છે કે, "BCCIઅથવા પસંદગી સમિતિને શ્રેયસ ઐયર અને ઈશાન કિશન પ્રત્યે કોઈ દુશ્મની નથી. જો તેઓ સ્થાનિક ક્રિકેટ રમવા પ્રત્યેના વલણમાં સુધારો કરે અને પોતપોતાની મુંબઈ અને ઝારખંડ ટીમો માટે રમે, તો તે તેમના માટે ખૂબ ફાયદાકારક રહેશે. એવું માનવામાં આવે છે કે જો તેનું પ્રદર્શન સારું રહેશે તો તેની ટીમ ઈન્ડિયામાં વાપસી પણ સંભવ છે. આ એ વાતનો સંકેત છે કે પસંદગીકારો ઐયર અને કિશન પર પણ નજર રાખી રહ્યા છે.
આ 30 ખેલાડીઓ પર રહેશે નજર
શ્રેયસ ઐયર, ઈશાન કિશન, મુશીર ખાન, સાઈ કિશોર, પૃથ્વી શો, મયંક યાદવ, ઉમરાન મલિક, આવેશ ખાન, કુલદીપ સેન, હર્ષિત રાણા, ખલીલ અહેમદ, તુષાર દેશપાંડે, રિયાન પરાગ, આશુતોષ શર્મા, સાઈ સુદર્શન, દેવદત્ત પડિકલ, શમ્સ મુલાની અને તનુષ કોટિયન પણ આ ખેલાડીઓમાં સામેલ છે.
