- ICC રેન્કિંગમાં મોટો ફેરફાર થયો
- શુભમન ગિલને ICC રેન્કિંગમાં થયું નુકશાન
- રવિ બિશ્નોઈ પણ 2 સ્થાન નિચે સરક્યો
જ્યારે IPL હરાજી ઘણી ધૂમ મચાવી રહી હતી, ત્યારે ICC ODI રેન્કિંગમાં મોટો ફેરફાર થયો છે. ભારતીય બેટ્સમેન શુભમન ગિલને ICC દ્વારા જાહેર કરવામાં આવેલી તાજેતરની ODI રેન્કિંગમાં મોટુ નુકશાન થયું છે. જ્યારે પાકિસ્તાનના પૂર્વ કેપ્ટન અને દિગ્ગજ બેટ્સમેન બાબર આઝમને તાજેતરની રેન્કિંગમાં મોટો ફાયદો થયો છે. ODI વર્લ્ડ કપ દરમિયાન શુભમન ગિલ નંબર 1 ODI બેટ્સમેન હતો. પરંતુ હવે લેટેસ્ટ રેન્કિંગમાં તેની પાસેથી આ તાજ છીનવાઈ ગયો છે. શુભમન સિવાય અન્ય એક ભારતીય ખેલાડીએ નંબર 1નો તાજ ગુમાવ્યો છે.
ભારતને બે જગ્યાએ થયું નુકશાન
તમને જણાવીએ કે શુભમન ગિલ ODIમાં નંબર 1 બેટ્સમેન હતો. જ્યારે ટી20 ઈન્ટરનેશનલમાં રવિ બિશ્નોઈ છેલ્લા બે અઠવાડિયાથી નંબર 1 બોલર હતો. પરંતુ હવે બંને ખેલાડીઓને ODI અને T20 ન રમવાના કારણે નુકસાન થયું છે. T20 બોલરોની રેન્કિંગમાં બિશ્નોઈ નંબર 1થી ત્રીજા નંબર પર પહોંચી ગયો છે, જ્યારે શુભમન ગિલ બાબર આઝમથી આગળ નીકળી ગયો છે. ODI વર્લ્ડ કપ બાદ શુભમન ગિલ એક પણ ODI મેચ રમ્યો નથી. બાબર આઝમના ODI રેન્કિંગમાં 824 રેટિંગ પોઈન્ટ છે. જ્યારે શુભમન ગિલ, જે ભારતની વર્તમાન ODI શ્રેણીનો ભાગ નથી, તેને 810 પોઈન્ટ્સ સુધી નીચે પહોંચી ગયો છે.
ગિલને પછાડી બાબર આઝમ નંબર 1 બન્યો
બાબર આઝમ નંબર 1 ODI બેટ્સમેન બની ગયો છે. જ્યારે આદિલ રાશિદ T20માં નંબર 1 બોલર બની ગયો છે. જ્યારે સૂર્ય T20 ઈન્ટરનેશનલમાં નંબર 1 બેટ્સમેન છે, જ્યારે કેશવ મહારાજ ODIમાં નંબર 1 બોલર છે. કેન વિલિયમસન ટેસ્ટ ક્રિકેટમાં નંબર 1 બેટ્સમેન છે અને બોલરોની યાદીમાં રવિચંદ્રન અશ્વિન ટોચ પર છે. રવિ બિશ્નોઈ સાઉથ આફ્રિકા સામેની ટી-20 સિરીઝમાં નહોતા રમ્યા અને તેના કારણે તેને રેન્કિંગમાં ડાઉનફોલનો સામનો કરવો પડ્યો હતો.
જાડેજાએ પોતાનુ સ્થાન જાળવી રાખ્યું
રવીન્દ્ર જાડેજા ટેસ્ટમાં ઓલરાઉન્ડરોની યાદીમાં નંબર 1 ખેલાડી છે. શાકિબ અલ હસન ODI અને T20 ઇન્ટરનેશનલમાં પણ નંબર 1 પર છે. ટીમોની રેન્કિંગમાં ભારતીય ટીમ ત્રણેય ફોર્મેટમાં નંબર 1 પર છે. ગત સપ્તાહની શરૂઆતમાં ભારતીય ટીમ વર્લ્ડ ટેસ્ટ ચેમ્પિયનશિપના પોઈન્ટ ટેબલમાં પણ નંબર 1 બની ગઈ હતી. પર્થ ટેસ્ટમાં પાકિસ્તાનની હારનો ફાયદો ભારતને મળ્યો હતો.
