27 સદી, 50ની એવરેજ...! ટીમ ઈન્ડિયામાં ધાકડ ખેલાડીને મળ્યું સ્થાન, જાણો

ઓસ્ટ્રેલિયા સામેની 5 મેચની બોર્ડર-ગાવસ્કર ટ્રોફી માટે 18 સભ્યોની ભારતીય ટીમની જાહેરાત કરવામાં આવી છે. 22 નવેમ્બરથી શરૂ થનારી આ શ્રેણી માટે ટીમમાં અભિમન્યુ ઇશ્વરન, હર્ષિત રાણા અને નીતિશ રેડ્ડી જેવા ઘણા યુવા ખેલાડીઓની પસંદગી કરવામાં આવી છે. આમાંથી ઘણા ખેલાડીઓ પ્રથમ વખત ઓસ્ટ્રેલિયાના પ્રવાસે જશે. બંગાળના ઓપનર ઇશ્વરન સ્થાનિક ક્રિકેટમાં સાત હજારથી વધુ રન ધરાવે છે અને તે રોહિત શર્મા અને યશસ્વી જયસ્વાલ સાથે રિઝર્વ ઓપનર તરીકે ઓસ્ટ્રેલિયા સામે ટીમ સાથે પ્રવાસ કરશે.

ઇશ્વરની ઘણી વખત અવગણના કરવામાં આવી

આ પહેલીવાર નથી કે જ્યારે ઇશ્વરને રાષ્ટ્રીય ટીમમાં સ્થાન મળ્યું હોય. ઇશ્વરનનો અગાઉ પણ ભારતીય ટીમમાં સમાવેશ કરવામાં આવ્યો છે, પરંતુ તેને અત્યાર સુધી ટેસ્ટમાં પદાર્પણ કરવાની તક મળી નથી. આવી સ્થિતિમાં, આ વખતે આશા છે કે ઘરેલુ ક્રિકેટમાં 27 સદી ફટકારનાર આ બેટ્સમેનને ડેબ્યૂ કરવાની તક મળશે. ઘરેલું ક્રિકેટમાં ઇશ્વરનનો સર્વોચ્ચ સ્કોર 233 રન છે.

ડોમેસ્ટિક ક્રિકેટમાં અભિમન્યુનો રેકોર્ડ

ઇશ્વરન રણજી ટ્રોફી અને અન્ય ટુર્નામેન્ટમાં ઉત્તમ રેકોર્ડ સાથે સ્થાનિક ક્રિકેટમાં સૌથી સફળ બેટ્સમેનોમાંનો એક રહ્યો છે. મોટો સ્કોર કરવાની અને ઇનિંગ્સને સંભાળવાની તેની ક્ષમતાએ તેને રાષ્ટ્રીય ટીમમાં સ્થાન આપ્યું છે. ઇશ્વરન અત્યાર સુધી ડોમેસ્ટિક ક્રિકેટમાં કુલ 99 ફર્સ્ટ ક્લાસ, 88 લિસ્ટ A અને 34 T-20 મેચ રમી ચૂક્યો છે.

તેણે ફર્સ્ટ ક્લાસ ક્રિકેટની 169 ઇનિંગ્સમાં 49.92ની એવરેજથી 7638 રન બનાવ્યા છે, જ્યારે લિસ્ટ Aની 86 ઇનિંગ્સમાં તેણે 47.49ની એવરેજથી 3847 રન બનાવ્યા છે. ઇશ્વરન અત્યાર સુધી રમાયેલી 34 T20 મેચોમાં 37.53ની એવરેજથી 976 રન બનાવી ચૂક્યો છે.

બોર્ડર-ગાવસ્કર ટ્રોફી માટે ભારતની ટીમ

રોહિત શર્મા(C), જસપ્રીત બુમરાહ (VC), યશસ્વી જયસ્વાલ, અભિમન્યુ ઇશ્વરન, શુભમન ગિલ, વિરાટ કોહલી, KL રાહુલ, રિષભ પંત (WK), સરફરાઝ ખાન, ધ્રુવ જુરેલ (WK), આર અશ્વિન, રવિન્દ્ર જાડેજા, મોહમ્મદ સિરાજ, આકાશ દીપ, પ્રસિદ્ધ કૃષ્ણા, હર્ષિત રાણા, નિતીશ કુમાર રેડ્ડી, વોશિગ્ટન સુંદર.