ચેમ્પિયન્સ ટ્રોફી 2025નું આયોજન હાઇબ્રિડ મોડલમાં કરવામાં આવશે. આઈસીસી અને PCB વચ્ચે ડીલ થઈ ગઈ છે. જોકે ICCએ પાકિસ્તાન ક્રિકેટ બોર્ડની શરત પણ સ્વીકારી લીધી છે. આ ટૂર્નામેન્ટ આવતા વર્ષે ફેબ્રુઆરીમાં યોજાવાની છે. પાકિસ્તાનની ટીમ વર્ષ 2026માં યોજાનાર T20 વર્લ્ડ કપમાં ગ્રુપ સ્ટેજની મેચો રમવા માટે ભારત નહીં આવે. પાકિસ્તાન તેની T20 વર્લ્ડ કપની મેચો કોલંબોમાં રમશે. નોંધનીય છે કે BCCIએ પહેલા જ સ્પષ્ટ કરી દીધું હતું કે ટીમ ઈન્ડિયા ચેમ્પિયન્સ ટ્રોફીમાં ભાગ લેવા પાકિસ્તાન નહીં જાય. આ પછી પાડોશી દેશે આ અંગે નારાજગી વ્યક્ત કરી હતી અને હાઇબ્રિડ મોડલમાં ટૂર્નામેન્ટનું આયોજન કરવાનો ઇનકાર કર્યો હતો.
ચેમ્પિયન્સ ટ્રોફી હાઇબ્રિડ મોડલમાં રમાશે
ચેમ્પિયન્સ ટ્રોફીને લઈને આઈસીસી અને PCB વચ્ચે વાતચીત થઈ ગઈ છે. ટુર્નામેન્ટનું આયોજન હાઇબ્રિડ મોડલમાં કરવામાં આવશે. આજતકના સ્પોર્ટ્સ એડિટર વિક્રાંત ગુપ્તાના ટ્વીટ મુજબ ટીમ ઈન્ડિયા તેની તમામ મેચ દુબઈમાં રમશે. BCCI અને PCB વચ્ચે એ પણ નિર્ણય લેવામાં આવ્યો છે કે પાકિસ્તાનની ટીમ વર્ષ 2026માં યોજાનાર T20 વર્લ્ડ કપમાં ભાગ લેવા માટે ભારત નહીં આવે. પાડોશી દેશ શ્રીલંકાના કોલંબો શહેરમાં તેની મેચ રમશે. પાકિસ્તાન ક્રિકેટ બોર્ડે આખરે પોતાની જીદ છોડી દીધી છે અને ICCના નિર્ણયને સ્વીકારી લીધો છે.
PCBએ હાર સ્વીકારી
PCBએ ટીમ ઈન્ડિયાને પાકિસ્તાન નહીં મોકલવાના BCCIના નિર્ણયની આકરી નિંદા કરી હતી. પાકિસ્તાન ક્રિકેટ બોર્ડે કહ્યું હતું કે ચેમ્પિયન્સ ટ્રોફીનું આયોજન કોઈપણ સંજોગોમાં પાકિસ્તાનમાં જ થશે. જોકે, આખરે PCBએ આઈસીસી અને BCCI સમક્ષ હાર સ્વીકારી લીધી છે. હાઇબ્રિડ મોડલમાં ટુર્નામેન્ટ નક્કી થયા બાદ ચેમ્પિયન્સ ટ્રોફીનું શેડ્યૂલ પણ ટૂંક સમયમાં જાહેર કરવામાં આવી શકે છે. એવું માનવામાં આવે છે કે ટૂર્નામેન્ટ ફેબ્રુઆરીના અંતમાં શરૂ થઈ શકે છે. ચેમ્પિયન્સ ટ્રોફી છેલ્લે વર્ષ 2017માં ઈંગ્લેન્ડ દ્વારા યોજાઈ હતી, જ્યાં પાકિસ્તાનની ટીમ ભારતને હરાવીને ચેમ્પિયન બની હતી.
