Champions Trophy 2025ના શિડ્યૂલની થઇ જાહેરાત, જાણો કઇ ટીમો લેશે ભાગ

• ટીમ ઈન્ડિયાએ T20 વર્લ્ડકપ 2024નું ટાઈટલ પોતાના નામે કર્યું
  
• ચેમ્પિયન્સ ટ્રોફીનું આયોજન કરી રહ્યું છે પાકિસ્તાન
• પાકિસ્તાન ક્રિકેટ બોર્ડે ચેમ્પિયન્સ ટ્રોફીની તારીખ જાહેર કરી

ટીમ ઈન્ડિયાએ T20 વર્લ્ડકપ 2024નું ટાઈટલ પોતાના નામે કર્યું છે. હવે ભારતીય ક્રિકેટ ટીમનું આગામી લક્ષ્ય ICC ચેમ્પિયન્સ ટ્રોફીનું ટાઇટલ પણ જીતવાનું છે. આ વખતે ચેમ્પિયન્સ ટ્રોફીનું આયોજન પાકિસ્તાન ક્રિકેટ બોર્ડ કરી રહ્યું છે. આ ટુર્નામેન્ટમાં ભારત અને પાકિસ્તાન પણ ટકરાશે.

ચેમ્પિયન્સ ટ્રોફીની તારીખ જાહેર

પાકિસ્તાન ક્રિકેટ બોર્ડે તેની સત્તાવાર વેબસાઇટ પર ચેમ્પિયન્સ ટ્રોફી-2025નું શેડ્યૂલ જાહેર કર્યું છે. હવે તેને આઈસીસીની મંજૂરી મળવાની બાકી છે. પાકિસ્તાન ક્રિકેટ બોર્ડે તેની સત્તાવાર વેબસાઇટ પર માહિતી આપી છે કે ICC ચેમ્પિયન્સ ટ્રોફી 2025ના આયોજનની તારીખ 19મી ફેબ્રુઆરીથી 9મી માર્ચ નક્કી કરવામાં આવી છે.

ચેમ્પિયન્સ ટ્રોફી પહેલા ત્રિકોણીય શ્રેણી રમશે પાકિસ્તાન

પાકિસ્તાન ક્રિકેટ બોર્ડે વર્ષ 2024-25 માટે તેનું શેડ્યૂલ જાહેર કર્યું છે. PCBએ આ શેડ્યૂલને તેના સત્તાવાર X એકાઉન્ટ પર પણ શેર કર્યું છે. PCB દ્વારા જાહેર કરાયેલા શેડ્યૂલ અનુસાર, પાકિસ્તાન ક્રિકેટ ટીમ ચેમ્પિયન્સ ટ્રોફી પહેલા ન્યૂઝીલેન્ડ અને દક્ષિણ આફ્રિકા સાથે ત્રિકોણીય વનડે શ્રેણી પણ રમશે. આ ત્રિકોણીય શ્રેણી 8 થી 14 ફેબ્રુઆરી દરમિયાન રમાશે. પાકિસ્તાન ક્રિકેટ બોર્ડ પણ આ ત્રિકોણીય શ્રેણીની યજમાની કરશે. આ પછી પાકિસ્તાન ક્રિકેટ બોર્ડ 19 ફેબ્રુઆરીથી 9 માર્ચ વચ્ચે ચેમ્પિયન્સ ટ્રોફીનું આયોજન પણ કરશે.

ICC સત્તાવાર જાહેરાત કરશે

ચેમ્પિયન્સ ટ્રોફીનું આયોજન ICC દ્વારા કરવામાં આવે છે. તેથી, ICC આ ટૂર્નામેન્ટના આયોજન અંગે સત્તાવાર જાહેરાત પણ કરશે. પાકિસ્તાન ક્રિકેટ બોર્ડ ચેમ્પિયન્સ ટ્રોફી-2025ની યજમાની કરશે. તેથી તેણે આ શેડ્યૂલ ICCને સોંપી દીધું છે. ICC તેની સત્તાવાર જાહેરાત પણ ટૂંક સમયમાં કરી શકે છે.

કઈ ટીમો ભાગ લેશે!

ICC ચેમ્પિયન્સ ટ્રોફી 2025માં કુલ 8 ટીમો ભાગ લેશે. જેમાં ભારત, પાકિસ્તાન, ઓસ્ટ્રેલિયા, અફઘાનિસ્તાન, ઈંગ્લેન્ડ, બાંગ્લાદેશ, ન્યુઝીલેન્ડ અને દક્ષિણ આફ્રિકાની ટીમો ભાગ લેશે.