કોમનવેલ્થમાં સ્ક્રેચ સાઇકલિંગમાં અકસ્માત, ખેલાડીઓ ટ્રેક છોડી પડ્યા ધડામ

• બર્મિંગહામમાં કોમનવેલ્થ 2022નું આયોજન
  
• વિશ્વના 72 દેશોના એથ્લેટ ભાગ લઇ રહ્યા છે
•  પુરૂષોની 15 કિમી સ્ક્રેચ સાઇકલિંગ ઇવેન્ટ દરમિયાન ખેલાડીઓ પડ્યા

બર્મિંગહામમાં કોમનવેલ્થ 2022નું આયોજન કરવામાં આવી રહ્યું છે, જેમાં વિશ્વના 72 દેશોના એથ્લેટ પોતાની તાકાત બતાવી રહ્યા છે. ખેલાડીઓને ખુશ કરવા ચાહકો પણ મોટી સંખ્યામાં સ્ટેડિયમ તરફ વળ્યા છે. ખુશીની આ પળો વચ્ચે કોમનવેલ્થ ગેમ્સના ત્રીજા દિવસે એક ભયાનક અકસ્માત જોવા મળ્યો. પુરૂષોની 15 કિમી સ્ક્રેચ સાઇકલિંગ ઇવેન્ટ દરમિયાન આ અકસ્માત થયો હતો.

વોલ્સ ગંભીર રીતે ઘાયલ

ઇંગ્લેન્ડના સાઇકલિસ્ટ મેટ વોલ્સ અને કેનેડાના ડેરેક જી સંતુલન ગુમાવવાને કારણે સાઇકલિંગ ટ્રેક છોડીને દર્શક વિસ્તારમાં પ્રવેશ્યા હતા, જેના કારણે અરાજકતા સર્જાઇ હતી. ત્યારે 24 વર્ષીય વોલ્સ ગંભીર રીતે ઘાયલ થયા હતા. આ ઘટનામાં આઈલ ઓફ મેન સાઈકલ ચલાવનાર મેથ્યુ બોસ્ટોક પણ સામેલ હતા. વોલ્સ, ડેરેક જી અને બોસ્ટોક ત્રણેયને હોસ્પિટલમાં લઈ જવાની જરૂર હતી.

આ એક એવો અકસ્માત જેણે દર્શકોને હચમચાવી દીધા. "લી વેલી વેલોપાર્ક ખાતે ટ્રેક અને પેરા-ટ્રેક સાયકલિંગના સવારના સત્રમાં થયેલા અકસ્માત બાદ મેદાન પરની તબીબી ટીમ દ્વારા ત્રણ સાઇકલ સવારો અને બે દર્શકોને સારવાર આપવામાં આવી છે," એક સત્તાવાર પ્રવક્તાએ જણાવ્યું હતું. ત્રણેય સાયકલ સવારોને બાદમાં હોસ્પિટલમાં લઈ જવામાં આવ્યા હતા.

પ્રવક્તાએ વધુમાં કહ્યું, 'બંને દર્શકોને હોસ્પિટલમાં સારવારની જરૂર નહોતી. અમે આ ઘટનામાં સામેલ સાઇકલ સવારો અને દર્શકોને અમારી શુભેચ્છાઓ આપવા માંગીએ છીએ અને તબીબી ટીમને તેમની તાત્કાલિક સહાય માટે આભાર માનીએ છીએ.

બાદમાં હોસ્પિટલમાંથી રજા આપવામાં આવી

બ્રિટનમાં સાયકલિંગની સંચાલક મંડળે ટ્વીટ કર્યું, હોસ્પિટલમાં મેડિકલ ટીમ દ્વારા તેની નજીકથી દેખરેખ રાખવામાં આવી રહી છે. જોકે, મેટ વોલ્સને બાદમાં હોસ્પિટલમાંથી રજા આપવામાં આવી હતી. બીજી તરફ ટીમ ઈંગ્લેન્ડે દાવો કર્યો છે કે ઓલિમ્પિક ચેમ્પિયનના કપાળ પર સ્ક્રેચ અને ઉઝરડા છે, જેના કારણે તેને ટાંકા આવ્યા છે, પરંતુ કોઈ મોટી ઈજા નથી.