ગુજરાતના વિકેટકીપર બેટ્સમેન ઉર્વિલ પટેલે ત્રિપુરા સામે સૈયદ મુશ્તાક અલીગ ટ્રોફી ટી20ની મેચમાં માત્ર 28 બોલમાં સદી ફટકારીને ટી20 ક્રિકેટમાં ફાસ્ટેસ્ટ સદી ફટકારવાનો નવો ભારતીય રેકોર્ડ નોંધાવ્યો હતો. ઉર્વિલે લગભગ એક વર્ષ પહેલાં લિસ્ટ-એામાં ફાસ્ટેસ્ટ સદી નોંધાવનાર ભારતીય ખેલાડીઓની યાદીમાં બીજા ક્રમે પોતાનું નામ નોંધાવ્યો હતો.
ટી20 ક્રિકેટમાં 26 વર્ષીય ઉર્વિલે રિષભ પંતનો ભારતીય રેકોર્ડ તોડયો હતો જેણે 2018ની સૈયદ મુશ્તાક અલી ટ્રોફીમાં હિમાચલપ્રદેશ સામે 32 બોલમાં સદી ફટકારી હતી. આ સાથે ઉર્વિલ ટી20 ક્રિકેટમાં ફાસ્ટેસ્ટ સદી નોંધાવવાના મામલે ઓવરઓલ બીજા ક્રમે છે.વર્લ્ડ રેકોર્ડ એસ્ટોનિયાના સાહિલ ચૌહાણના નામે છે જેણે સાયપ્રસ સામે માત્ર 27 બોલમાં સદી ફટકારી હતી.
