વેસ્ટ ઇન્ડીઝ સામેની બે ટેસ્ટ મેચની સિરીઝ બાદ, ભારતીય ટીમ ઓસ્ટ્રેલિયાના પ્રવાસે જશે, જ્યાં તેઓ ત્રણ મેચની ODI સિરીઝ અને પાંચ મેચની T20I સિરીઝ રમશે. BCCIના મુખ્ય સિલેક્ટર અજિત અગરકરે આ સિરીઝ માટે ટીમ ઇન્ડિયાની ટીમની જાહેરાત કરી છે. ટીમમાં યુવા ખેલાડીઓ અને સિનિયર ખેલાડીઓ બંનેનો સમાવેશ થાય છે. શુભમન ગિલની જગ્યાએ રોહિત શર્માને કેપ્ટનશીપમાંથી બાકાત રાખવામાં આવ્યો છે.
રોહિત શર્માને લાગ્યો આંચકો
ઓસ્ટ્રેલિયા પ્રવાસ માટે રોહિત શર્માને વનડે કેપ્ટન તરીકે પસંદ કરવામાં આવ્યો નથી. રોહિત શુભમન ગિલની કેપ્ટનશીપ હેઠળ ખેલાડી તરીકે રમશે. વિરાટ કોહલીને પણ વનડે ટીમમાં સામેલ કરવામાં આવ્યો છે. બંને ખેલાડીઓ છેલ્લે ચેમ્પિયન્સ ટ્રોફીમાં ભારત માટે રમ્યા હતા.
ટી20 માટે ભારતીય ટીમની પણ જાહેરાત કરવામાં આવી છે. સૂર્યકુમાર યાદવ ટી20I ના કેપ્ટન છે. તે ઓસ્ટ્રેલિયા સામેની ટી20I સિરીઝમાં ટીમનું નેતૃત્વ કરશે.
આ સિરીઝ 19 ઓક્ટોબરથી શરૂ થશે
ત્રણ મેચની ODI સિરીઝની પહેલી મેચ 19 ઓક્ટોબરે પર્થમાં રમાશે. બીજી મેચ 23 ઓક્ટોબરે એડિલેડમાં રમાશે. ત્રીજી મેચ 24 ઓક્ટોબરે સિડનીમાં રમાશે.
વનડે સિરીઝ માટે ભારતીય ટીમ
શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર (વાઈસ-કેપ્ટન), અક્ષર પટેલ, કેએલ રાહુલ (વિકેટકીપર), નીતીશ કુમાર રેડ્ડી, વોશિંગ્ટન સુંદર, કુલદીપ યાદવ, હર્ષિત રાણા, મોહમ્મદ સિરાજ, અર્શદીપ સિંહ, પ્રસિદ્ધ કૃષ્ણા, ધ્રુવ જુરેલ (વિકેટકીપર), યશસ્વી જયસ્વાલ.
