એશિયા કપમાં ભારતીય ક્રિકેટ ટીમનું અભિયાન 10 સપ્ટેમ્બરથી શરૂ થઈ રહ્યું છે. પહેલી મેચ UAE સામે રમાશે. આ મેચમાં ટીમ ઈન્ડિયા કયા પ્લેઈંગ ઈલેવનમાં મેદાનમાં ઉતરશે તે એક મોટો સવાલ છે. પરંતુ મેચના એક દિવસ પહેલા એક ખેલાડી પ્રેક્ટિસ માટે આવ્યો ન હતો અને એવું માનવામાં આવે છે કે તે હવે પહેલી મેચમાં રમશે નહીં.
સેમસન થશે બહાર?
આ ખેલાડી બીજું કોઈ નહીં પણ વિકેટકીપર સંજુ સેમસન છે. ટીમ ઈન્ડિયાનું મંગળવારે ઓપ્શનલ ટ્રેનિંગ સેશન હતો. આ સેશનમાં શુભમન ગિલ, સૂર્યકુમાર યાદવ, જીતેશ શર્મા જેવા ખેલાડીઓ પ્રેક્ટિસ કરવા આવ્યા હતા, પરંતુ સંજુ સેમસન દુબઈના સ્ટેડિયમમાં ગયા ન હતા.
જીતેશ શર્માની ઓપ્શનલ ટ્રેનિંગમાં પાર્ટનરશીપ અને સંજુ સેમસનની ગેરહાજરી સૂચવે છે કે સંજુ સેમસન પહેલી મેચમાં રમી શકશે નહીં. છેલ્લા 3 દિવસમાં જીતેશ શર્મા વિકેટકીપિંગ પ્રેક્ટિસ કરતો જોવા મળ્યો છે. સંજુ સેમસને વધુ પ્રેક્ટિસ કરી નથી, જેનો અર્થ એ છે કે ટીમ ઈન્ડિયા ડેથ ઓવર્સમાં વિસ્ફોટક બેટિંગ માટે જાણીતા જીતેશ શર્માને તક આપવા જઈ રહી છે.
ગિલની વાપસીથી સંજુનો ખેલ બગડ્યો!
સંજુ સેમસન છેલ્લી કેટલીક T20 મેચોમાં શાનદાર પ્રદર્શન કરી રહ્યો છે. તેને T20માં બે સદી પણ ફટકારી છે, પરંતુ આ ખેલાડીને હવે પ્લેઈંગ ઈલેવનમાંથી બહાર રહેવું પડી શકે છે કારણ કે શુભમન ગિલ પાછો ફર્યો છે. શુભમન ગિલની વાપસી સાથે ઓપનિંગ જોડી બદલાતી જોવા મળી રહી છે. એટલે કે શુભમન ગિલ હવે સંજુ સેમસનની જગ્યાએ અભિષેક શર્મા સાથે જોવા મળશે.
શુભમન ગિલે આઈપીએલ 2025માં 500થી વધુ રન બનાવીને પોતાનું ફોર્મ સાબિત કર્યું. આ પછી તે ઈંગ્લેન્ડ સિરિઝમાં સૌથી વધુ 754 રન બનાવવામાં સફળ રહ્યો. આ જ કારણ છે કે સંજુને હવે બહાર બેસવું પડી શકે છે. જેના સંકેતો મેચના એક દિવસ પહેલા જ મળી ગયા છે.
