ઉત્તર પ્રદેશના મુખ્યમંત્રી યોગી આદિત્યનાથે ભારતીય ક્રિકેટ કંટ્રોલ બોર્ડને મોટી અપીલ કરી છે. તેમને કહ્યું કે 25 કરોડની વસ્તી ધરાવતા રાજ્ય માટે એક રણજી ટીમ પૂરતી નથી. મુખ્યમંત્રીએ સ્પષ્ટ શબ્દોમાં માગ કરી કે ઉત્તર પ્રદેશમાંથી ઓછામાં ઓછી ચાર રણજી ટીમો બનાવવામાં આવે જેથી રાજ્યની યુવા પ્રતિભાઓને વધુ તકો મળી શકે.
મુખ્યમંત્રી યોગી આદિત્યનાથ શનિવારે એકાના સ્ટેડિયમમાં આયોજિત યુપી T20 લીગની ફાઈનલ મેચમાં પહોંચ્યા હતા. આ દરમિયાન ક્રિકેટ સંબંધિત મુદ્દાઓ પર પોતાનો અભિપ્રાય આપતાં તેમને બીસીસીઆઈને ઉત્તર પ્રદેશની પ્રતિભાઓને પ્રોત્સાહન આપવા માટે ચાર ટીમો બનાવવા વિનંતી કરી.
યોગી આદિત્યનાથે BCCIએ કરી અપીલ
તેમને કહ્યું કે "25 કરોડની વસ્તી ધરાવતા ઉત્તર પ્રદેશ જેવા રાજ્ય માટે ફક્ત એક જ રણજી ટીમ હોવી વાજબી નથી. આપણી પાસે લાખો યુવાનો ક્રિકેટ રમે છે અને તેમાંથી ઘણાને યોગ્ય પ્લેટફોર્મ મળતું નથી. જો ચાર ટીમો હોય તો ખેલાડીઓને વધુ તકો મળશે અને ભારતીય ક્રિકેટને પણ ફાયદો થશે."
મોહસીન રઝાએ આ વાતની કરી પ્રશંસા
મુખ્યમંત્રીની આ માગણીને ભાજપના નેતા અને ભૂતપૂર્વ રાષ્ટ્રીય ક્રિકેટ ખેલાડી મોહસીન રઝાએ પ્રશંસા કરી છે. તેમને કહ્યું કે યોગી આદિત્યનાથે ખેલાડીઓના દિલની વાત કહી છે. મોહસીન રઝા, જે પોતે યોગી સરકારમાં મંત્રી રહી ચૂક્યા છે, તેઓ લાંબા સમયથી આ મુદ્દો ઉઠાવી રહ્યા છે કે ઉત્તર પ્રદેશ જેવા વિશાળ રાજ્યમાં ચાર રણજી ટીમો હોવી જોઈએ. તેમને કહ્યું કે "ગુજરાત અને મહારાષ્ટ્ર જેવા રાજ્યોમાં પહેલાથી જ ત્રણ-ત્રણ ટીમો છે. જ્યારે ત્યાં શક્ય છે, તો પછી ઉત્તર પ્રદેશમાં ચાર ટીમો કેમ ન હોઈ શકે?"
સ્થાનિક ક્રિકેટમાં વધશે સ્પર્ધા
બીસીસીઆઈ તરફથી મુખ્યમંત્રીની આ માગણી એટલા માટે પણ મહત્વપૂર્ણ માનવામાં આવે છે કારણ કે જો તેને મંજૂરી આપવામાં આવે તો યુપીના વિવિધ ભાગોમાં ક્રિકેટનું સ્તર ઊંચું આવશે. નાના શહેરો અને નગરોમાં છુપાયેલી પ્રતિભાઓને પણ પ્લેટફોર્મ મળશે. નિષ્ણાતો કહે છે કે ચાર ટીમોની રચનાથી રાજ્યના ક્રિકેટ માળખામાં મોટો સુધારો થશે. સ્થાનિક ક્રિકેટમાં સ્પર્ધા વધશે, ખેલાડીઓની સંખ્યા વધશે અને પસંદગી પ્રક્રિયા પારદર્શક બનશે અને ક્રિકેટનો વ્યાપ ગ્રામીણ વિસ્તારોમાં પણ ફેલાશે.
