T20 વર્લ્ડકપ 2026 પહેલા ભૂતપૂર્વ કેપ્ટન કર્યો મોટો ખુલાસો, કહ્યું- 'ભારતને ફાઈનલમાં હરાવીશું...'

T20 વર્લ્ડકપ 2026 શરૂ થવામાં એક મહિના કરતાં પણ ઓછો સમય બાકી છે. આ મોટી ટુર્નામેન્ટમાં ટીમ ઈન્ડિયા ફાઈનલમાં પહોંચવા અને ટ્રોફી ઉપાડવા માટે એક મજબૂત દાવેદાર લાગે છે. ભારતીય ટીમ ડિફેન્ડિંગ ચેમ્પિયન છે. T20 વર્લ્ડકપ 2024માં સાઉથ આફ્રિકાને હરાવીને 17 વર્ષની રાહનો અંત લાવ્યો.

સાઉથ આફ્રિકા પાસે તેની પહેલી મર્યાદિત ઓવરની ટ્રોફી જીતવાની તક હતી પરંતુ તે નિષ્ફળ ગઈ. હવે બદલાની આગમાં સળગતા સાઉથ આફ્રિકાના ભૂતપૂર્વ કેપ્ટને ફાઈનલમાં ભારતને હરાવીને ટ્રોફી કબજે કરવાની ઈચ્છા વ્યક્ત કરી છે.

ગ્રીમ સ્મિથ ટીમ ઈન્ડિયા સામે બદલો લેવા માગે છે!

T20 વર્લ્ડકપ ફાઈનલમાં સાઉથ આફ્રિકા જીતની ખૂબ નજીક હતું, પરંતુ ટીમ ઈન્ડિયાએ તેમની પાસેથી ટ્રોફી છીનવી લીધી. મીડિયા સાથે વાત કરતા ગ્રીમ સ્મિથે ફાઈનલમાં ભારતને હરાવીને ટ્રોફી કબજે કરવાની ઈચ્છા વ્યક્ત કરી. સ્મિથે કહ્યું કે "હું ઈચ્છું છું કે આપણે ફાઈનલમાં ભારતને હરાવીએ. ભારતીય ખેલાડીઓને ક્યારેય ઓછો અંદાજ ન આપી શકાય. વર્લ્ડકપ તેમના ઘરે છે. ભારતીય ક્રિકેટ હાલમાં ટ્રાન્ઝિશનના તબક્કામાંથી પસાર થઈ રહ્યું છે અને ગૌતમ ગંભીર અને સિનિયર ખેલાડીઓ ટીમને કેવી રીતે આગળ લઈ જાય છે તે જોવાનું રહેશે. જો ટીમ ટોપના 4માં સ્થાન મેળવે નહીં, તો મને ખૂબ જ આશ્ચર્ય થશે."

સાઉથ આફ્રિકાનો જીતનો માર્ગ કેવી રીતે ખુલશે?

ગ્રીમ સ્મિથે કહ્યું કે જો સાઉથ આફ્રિકાનો મિડલ ઓર્ડર T20 વર્લ્ડકપમાં ધૂમ મચાવી શકે છે, તો તેમના માટે વસ્તુઓ સરળ બનશે. તેમને કહ્યું, "મને લાગે છે કે ભારતમાં આપણી પાસે મિડલ ઓર્ડરમાં સ્પિનરોને રમવાની ક્ષમતા છે. તેથી જ મને આશા છે કે વર્લ્ડકપ આપણા માટે સારો રહેશે."

T20 વર્લ્ડ કપ માટે સાઉથ આફ્રિકા ટીમ

એડન માર્કરામ (કેપ્ટન), કાર્બીન બોશ, ડેવાલ્ડ બ્રેવિસ, ક્વિન્ટન ડી કોક, ટોની ડી જ્યોર્ગી, ડોનાવન ફેરેરા, માર્કો જેન્સેન, જ્યોર્જ લિન્ડે, કેશવ મહારાજ, ક્વેના મફાકા, ડેવિડ મિલર, લુંગી એનગિડી, એનરિચ નોર્ખિયા, કાગિસો રબાડા, જેસન સ્મિથ.

આ પણ વાંચો: 'નાના વિરાટ'ને મળ્યા પછી કિંગ કોહલીએ આપ્યું આવું રિએક્શન, ફોટોએ સ્ટાર ક્રિકેટરના બાળપણની યાદોને કરી તાજી