ICC મહિલા ODI વર્લ્ડકપ 2025માં 5 ઓક્ટોબરના રોજ ભારત અને પાકિસ્તાન વચ્ચે મેચ રમાઈ હતી. આ મેચમાં ટીમ ઈન્ડિયાએ પાકિસ્તાનને 88 રનથી હરાવીને ટૂર્નામેન્ટમાં સતત બીજી જીત મેળવી હતી. આ મેચ દરમિયાન ટીમ ઈન્ડિયાની કેપ્ટન હરમનપ્રીત કૌર અને પાકિસ્તાનની બોલર નશરા સંધુ વચ્ચે થોડી ઝઘડો થયો હતો, જેનો ભારતીય કેપ્ટને પોતાની સ્ટાઈલમાં જવાબ આપ્યો હતો. આનો વીડિયો સોશિયલ મીડિયા પર વાયરલ થઈ રહ્યો છે.
હરમનપ્રીત કૌર અને નશરા વચ્ચે થયો ઝઘડો
નશરા સંધુએ પાકિસ્તાન તરફથી ઈનિંગની 22મી ઓવર ફેંકી હતી. ઓવરનો છેલ્લો બોલ ફેંક્યા પછી, નશરાએ ભારતીય કેપ્ટન હરમનપ્રીત કૌર તરફ આંખ બતાવી. હરમનપ્રીતે શરૂઆતમાં પાકિસ્તાની ખેલાડી તરફ નજર નાખી, પછી નશરા વિશે કોમેન્ટ કરી.
આ ઘટનાનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. હરમનપ્રીત કૌર આ મેચમાં બેટથી વધુ સફળતા મેળવવામાં નિષ્ફળ રહી. તે પાકિસ્તાન સામે 34 બોલમાં ફક્ત 19 રન જ બનાવી શકી.
ટીમ ઈન્ડિયાએ 88 રનથી જીતી લીધી મેચ
આ મેચમાં પાકિસ્તાને ટોસ જીતીને પહેલા બોલિંગ કરવાનો નિર્ણય લીધો હતો. પહેલા બેટિંગ કરતા ટીમ ઈન્ડિયાએ 50 ઓવરમાં 247 રન બનાવ્યા હતા. ટીમ ઈન્ડિયા તરફથી હરલીન દેઓલે સૌથી વધુ 46 રન બનાવ્યા હતા. રિચા ઘોષે પણ 35 અને જેમીમાએ 32 રન બનાવ્યા હતા. પાકિસ્તાન તરફથી બોલિંગ કરતી ડાયના બેગે સૌથી વધુ 10 ઓવરમાં 69 રન આપીને 4 વિકેટ લીધી હતી.
ત્યારબાદ પાકિસ્તાનની ટીમ 43 ઓવરમાં 159 રનમાં ઓલઆઉટ થઈ ગઈ. પાકિસ્તાન તરફથી સિદ્રા અમીને સૌથી વધુ 81 રન બનાવ્યા, પરંતુ તે પોતાની ટીમને જીત અપાવવામાં નિષ્ફળ રહી. નતાલિયા પરવેઝે પણ 33 રન બનાવ્યા. ટીમ ઈન્ડિયા તરફથી ક્રાંતિ ગૌર અને દીપ્તિ શર્માએ 3-3 વિકેટ લીધી.
