ટીમ ઈન્ડિયા મહિલા ODI વર્લ્ડકપમાં પોતાની સફર ચાલુ રાખી રહી છે. આ દરમિયાન ભારતીય ઓપનિંગ બેટ્સમેન પ્રતિકા રાવલે એક નવા રેકોર્ડની બરાબરી કરી છે. પ્રતિકા રાવલે હવે ઓસ્ટ્રેલિયન બેટ્સમેનોના લિસ્ટમાં સામેલ થઈ છે. પ્રતિકાએ નવી મુંબઈમાં ન્યુઝીલેન્ડ સામે આ સિદ્ધિ મેળવી હતી.
પ્રતિકા રાવલે વનડેમાં પોતાના 1000 રન પૂરા કર્યા
ગુરુવારે જ્યારે ભારતની ઓપનિંગ બેટ્સમેન પ્રતિકા રાવલ મહિલા ODI વર્લ્ડકપમાં ન્યુઝીલેન્ડ સામે રમવા માટે મેદાનમાં ઉતરી, ત્યારે તેને 22 ODI મેચમાં 988 રન બનાવી લીધા હતા એટલે કે બધાની નજર તેના પર હતી કે શું તે આ મેચમાં તેના 100 રન પૂરા કરી શકશે કે નહીં. તેને બસ એ જ કર્યું. પ્રતિકા ફક્ત તેની 23મી મેચમાં તેના 1000 ODI રન પૂરા કરવામાં સફળ રહી. આ એક વર્લ્ડ રેકોર્ડની બરાબર છે. મહિલા ODIના ઈતિહાસમાં અત્યાર સુધી ફક્ત બે જ બેટ્સમેન આટલી ઓછી મેચમાં 1000 રન બનાવી શક્યા છે.
ઓસ્ટ્રેલિયાની લિન્ડસે રીલરની કરી બરાબરી
પ્રતિકા રાવલ પહેલા ઓસ્ટ્રેલિયાની લિન્ડસે રીલર પણ માત્ર 23 ઈનિંગમાં 1,000 ODI રન પૂરા કરી ચૂકી હતી. ઓસ્ટ્રેલિયાની નિકોલ બોલ્ટે 25 ઈનિંગમાં 1,000 ODI રન પૂરા કર્યા હતા અને મેગ લેનિંગે પણ 25 ઈનિંગમાં ODIમાં 1,000 રન પૂરા કર્યા હતા. પ્રતિકા રાવલે તેને પાછળ છોડી દીધા છે. પ્રતિકાએ અત્યાર સુધી તેની ODI કરિયરમાં 1 સદી અને 7 અડધી સદી ફટકારી છે. તે આવતાની સાથે જ પોતાની સ્ટાઈલમાં બેટિંગ કરે છે અને ઘણીવાર મોટી ઈનિંગ રમવામાં સફળ રહે છે.
ભારત માટે મિતાલી રાજનો તૂટ્યો રેકોર્ડ
આ દરમિયાન પ્રતિકાએ ભારત માટે એક રેકોર્ડ બનાવી દીધો છે. આટલી ઓછી ODI ઈનિંગમાં અન્ય કોઈ બેટ્સમેન 1,000 રન બનાવી શક્યા નથી. આ પહેલા મિતાલી રાજ 29 ODI ઈનિંગમાં 1,000 રનનો આંકડો પાર કરનારી સૌથી ઝડપી ખેલાડી હતી. પરંતુ પ્રતિકા રાવલે હવે આ સિદ્ધિ ખૂબ પહેલા હાંસલ કરી લીધી છે. આવનારી મેચોમાં પ્રતિકા કેવું પ્રદર્શન કરે છે તે જોવાનું બાકી છે, કારણ કે ભવિષ્યમાં હજુ પણ વધુ પડકારો છે.
