ભારત અને વેસ્ટ ઈન્ડિઝ વચ્ચે ટેસ્ટ સિરીઝની બીજી મેચ દિલ્હીના અરુણ જેટલી સ્ટેડિયમ ખાતે રમાઈ રહી છે. ટીમ ઈન્ડિયા મેચમાં પહેલા બેટિંગ કરી રહી છે. પ્રથમ દિવસ સંપૂર્ણપણે ટીમ ઈન્ડિયાના પક્ષમાં હતો. પ્રથમ દિવસની રમતના અંત સુધીમાં ટીમ ઈન્ડિયાએ 2 વિકેટ ગુમાવીને 318 રન બનાવ્યા હતા. ટીમ ઈન્ડિયાને પહેલા દિવસે કેએલ રાહુલ અને સાઈ સુદર્શનના રૂપમાં બે ઝટકાનો સામનો કરવો પડ્યો. આ દરમિયાન યશસ્વી જયસ્વાલે શાનદાર બેટિંગ પ્રદર્શન કર્યું. જયસ્વાલે વેસ્ટ ઈન્ડિઝના બોલરોને ત્રાટકીને પહેલા દિવસે 173 રન બનાવ્યા.
યશસ્વી જયસ્વાલ બહાર
બીજા દિવસની શરૂઆતમાં, ટીમ ઈન્ડિયાને યશસ્વી જયસ્વાલના રૂપમાં ત્રીજો મોટો ફટકો પડ્યો. જયસ્વાલ 175 રન બનાવીને આઉટ થયા. ટીમ ઈન્ડિયાનો સ્કોર 329/3 હતો.
કેપ્ટન ગિલે અડધી સદી ફટકારી
ભારતીય કેપ્ટન શુભમન ગિલે બીજા દિવસે બેટિંગ કરતી વખતે પોતાની અડધી સદી પૂર્ણ કરી. ટીમ ઇન્ડિયાનો સ્કોર 371/3 છે.
IND vs WI બીજી ટેસ્ટ: ભારતનો સ્કોર 400 ને પાર
બીજા દિવસના પહેલા સત્રમાં ટીમ ઇન્ડિયાનો સ્કોર 400 ને પાર કરી ગયો છે. શુભમન ગિલ અને નીતિશ રેડ્ડી શાનદાર બેટિંગ કરી રહ્યા છે. ગિલ તેની સદીની નજીક છે, જ્યારે રેડ્ડી તેની અડધી સદીની નજીક છે. ટીમ ઇન્ડિયાનો સ્કોર 401/3 છે.
IND vs WI બીજી ટેસ્ટ: નીતિશ રેડ્ડી બહાર
ટીમ ઈન્ડિયાને નીતિશ રેડ્ડીના રૂપમાં ચોથો ઝટકો લાગ્યો. નીતિશ સારા ફોર્મમાં હતો અને તેની અડધી સદીની નજીક હતો. રેડ્ડી 43 રન બનાવીને આઉટ થયો. ટીમ ઈન્ડિયાનો સ્કોર 417/4 છે.
લંચ બ્રેક સુધી ભારતે 427 રન બનાવ્યા
બીજા દિવસે લંચ સુધીમાં, ટીમ ઈન્ડિયાએ 4 વિકેટ ગુમાવીને 427 રન બનાવી લીધા હતા. કેપ્ટન શુભમન ગિલ હાલમાં 75 અને ધ્રુવ જુરેલ 7 રન બનાવીને અણનમ છે. પહેલા સત્રમાં, ટીમ ઈન્ડિયાને યશસ્વી જયસ્વાલ અને નીતિશ રેડ્ડીના રૂપમાં બે ઝટકાનો સામનો કરવો પડ્યો.
