ચેન્નાઈ સુપર કિંગ્સે મુંબઈ ઈન્ડિયન્સને 8 વિકેટથી હરાવ્યું. આ હારથી મુંબઈની પ્લેઓફની આશાઓને 440 વોલ્ટનો ઝટકો લાગ્યો. ચેપોક સ્ટેડિયમમાં પ્રથમ બેટિંગ કરતા મુંબઈએ 159 રન બનાવ્યા. જવાબમાં ઋતુરાજ ગાયકવાડ અને કાર્તિક શર્મા વચ્ચે 98 રનની પાર્ટનરશીપે ચેન્નાઈનો વિજય સુનિશ્ચિત કર્યો. 9 મેચમાં મુંબઈની આ સાતમી હાર હતી.
મુંબઈ ઈન્ડિયન્સ પ્લેઓફમાંથી બહાર!
હવે સવાલ એ છે કે ચેન્નાઈ સુપર કિંગ્સ સામે 8 વિકેટથી હાર બાદ મુંબઈ ઈન્ડિયન્સ પ્લેઓફમાંથી બહાર થઈ જશે કે નહીં. ના, મુંબઈ પાસે હજુ પણ પ્લેઓફમાં જગ્યા બનાવવાનો મોકો છે. પરંતુ અંતિમ ચારમાં પહોંચવાનો તેમનો રસ્તો પહેલા કરતા વધુ મુશ્કેલ બની ગયો છે. હવે જો મુંબઈ પ્લેઓફમાં સ્થાન મેળવવા માગે છે, તો તેમને આશા રાખવી પડશે કે તેમની બાકીની મેચોના પરિણામો તેમના પક્ષમાં આવે અને તેઓ તેમની બાકીની બધી મેચો જીતે.
ઋતુરાજ ગાયકવાડ અને કાર્તિકે મચાવી ધૂમ
160 રનના ટાર્ગેટનો પીછો કરતા ચેન્નાઈએ સંજુ સેમસનની વિકેટ ઝડપી ગુમાવી. સેમસન 11 રન બનાવીને આઉટ થયો, જ્યારે ઉર્વિલ પટેલે 24 રનનું યોગદાન આપ્યું. ચેન્નાઈએ 62 રનના સ્કોર પર 2 વિકેટ ગુમાવી દીધી, પરંતુ ઋતુરાજ ગાયકવાડ અને કાર્તિકે અંત સુધી ટકી રહી.
ઋતુરાજ ગાયકવાડે IPL 2026 માં સતત બીજી અડધી સદી ફટકારી, 48 બોલમાં 67 રન બનાવ્યા. આ દરમિયાન કાર્તિક શર્માએ 54 રન બનાવીને પોતાની પહેલી IPL અડધી સદી ફટકારી. કાર્તિક ઈન્ડિયન પ્રીમિયર લીગમાં ચેન્નાઈ સુપર કિંગ્સ માટે અડધી સદી ફટકારનાર બીજો સૌથી યુવા ખેલાડી પણ બન્યો. CSK માટે અડધી સદી ફટકારનાર સૌથી યુવા ખેલાડી આયુષ મ્હાત્રે છે.
ચેન્નાઈએ ત્રીજી વખત આવું કર્યું
IPLના ઈતિહાસમાં આ ફક્ત ત્રીજી વખત છે જ્યારે ચેન્નઈએ સિઝનની બંને મેચમાં મુંબઈ ઈન્ડિયન્સને હરાવ્યું છે. CSKએ અગાઉ 2014 અને 2023 માં આવું કર્યું હતું. જ્યારે આ બંને ટીમો પહેલી વાર IPL 2026 માં ટકરાઈ હતી, ત્યારે ચેન્નઈએ 103 રનથી જંગી વિજય મેળવ્યો હતો. હવે ફરી એકવાર ચેન્નઈએ MI ને 8 વિકેટથી મોટી હાર આપી છે.
આ પણ વાંચો: Vaibhav Sooryavanshi રાજસ્થાન રોયલ્સ છોડીને MI માટે રમશે? અનુભવી ક્રિકેટરના નિવેદનથી થયો વિવાદ
