મુંબઈ ઈન્ડિયન્સ (MI)ને થોડા દિવસો પહેલા જ IPL 2026માં મોટો ઝટકો લાગ્યો હતો.ન્યૂઝીલેન્ડના સ્પિન ઓલરાઉન્ડર મિશેલ સેન્ટનર ઈજાને કારણે આખી સીઝનમાંથી બહાર થઈ ગયો હતો.ચેન્નાઈ સુપર કિંગ્સ સામેની ઘરેલુ મેચમાં બાઉન્ડ્રી પાસે કેચ પકડવાનો પ્રયાસ કરતી વખતે સેન્ટનર ઈજાગ્રસ્ત થયો હતો.તેના ખભામાં ગંભીર ઈજા થઈ હતી.હવે,તેની ઈજા અંગે એક મોટી અપડેટ આવી છે,જેનાથી ન્યૂઝીલેન્ડ ક્રિકેટ બોર્ડનું તણાવ વધી ગયું છે સેન્ટનરની ઈજા ખૂબ ગંભીર છે.
મિશેલ સેન્ટનરની ઈજા અંગે એક મોટી અપડેટ
ન્યૂઝીલેન્ડના વ્હાઇટ બોલ કેપ્ટન મિશેલ સેન્ટનર IPL 2026 દરમિયાન થયેલી ઈજાને કારણે ઓછામાં ઓછા એક મહિના માટે ક્રિકેટથી બહાર રહેશે. તેને ગ્રેડ-3 ACL ખભાની ઈજા થઈ હતી. ઈજા બાદ સેન્ટનર ન્યૂઝીલેન્ડ પાછો ફર્યો. શુક્રવારે (1 મે, 2026) તેણે સ્કેન કરાવ્યું અને નિષ્ણાત તપાસ કરાવી. ડોક્ટરોએ ઓછામાં ઓછા એક મહિનાનો આરામ અને પુનર્વસન કાર્યક્રમ સૂચવ્યો છે, જેના કારણે તે આગામી દિવસોમાં ઘણી મોટી મેચો રમી શકશે નહીં.
આ મહત્વપૂર્ણ મેચોમાંથી બહાર રહેશે.
આ ઈજાને કારણે, સેન્ટનર મે મહિનાના અંતમાં આયર્લેન્ડ સામેની એકમાત્ર ટેસ્ટ અને લોર્ડ્સમાં ઇંગ્લેન્ડ સામેની પ્રથમ ટેસ્ટમાંથી બહાર થઈ ગયો છે. ઇંગ્લેન્ડ સામેની બીજી અને ત્રીજી ટેસ્ટ માટે તેની ઉપલબ્ધતા પછીથી નક્કી કરવામાં આવશે. જો તે સમયસર ફિટ નહીં થાય, તો તે ઇંગ્લેન્ડ શ્રેણી પણ ચૂકી શકે છે. 34 વર્ષીય સેન્ટનર IPLની આ સિઝનમાં મુંબઈ ઇન્ડિયન્સ ટીમમાં ખૂબ મોડેથી જોડાયો હતો. T20 વર્લ્ડ કપ પછી તેણે વ્યક્તિગત કારણોસર રજાની વિનંતી કરી હતી. IPL 2026 માં, તેણે મુંબઈ માટે ચાર મેચ રમી, જેમાં પાંચ વિકેટ લીધી અને 26 રન બનાવ્યા. જોકે, ઈજાને કારણે તે બાકીની સિઝનમાંથી બહાર થઈ ગયો.
ન્યૂઝીલેન્ડ ક્રિકેટ માટે નોંધપાત્ર નિરાશા
સેન્ટનરની ઈજા ન્યૂઝીલેન્ડ ક્રિકેટ માટે નોંધપાત્ર નિરાશા છે,કારણ કે તે વ્હાઇટ-બોલ ફોર્મેટમાં મુખ્ય ઓલરાઉન્ડર અને કેપ્ટન છે. ટીમે હવે તેની ગેરહાજરીમાં એક અલગ યોજના પર કામ કરવું પડશે. તાજેતરમાં, સેન્ટનરની કેપ્ટનશીપ હેઠળ, ન્યૂઝીલેન્ડ T20 વર્લ્ડ કપની ફાઇનલમાં પહોંચ્યું હતું, જ્યાં તેઓ ભારત સામે હારી ગયા હતા.જો સેન્ટનર મે-જૂનમાં ટેસ્ટ મેચો ચૂકી જાય તો પણ, જુલાઈમાં વેસ્ટ ઈન્ડિઝ સામેની ODI અને T20I શ્રેણી માટે તે ઉપલબ્ધ રહે તેવી અપેક્ષા છે.
આ પણ વાંચો - DC vs RR : આ નિયમને કારણે લુન્ગી એન્ગિડી ફિટ હોવા છતાં આજે રમી શકશે નહી
