ઇન્ડિયન પ્રીમિયર લીગની 19મી સીઝનની 44મી લીગ મેચ ચેન્નાઈના એમએ ચિદમ્બરમ સ્ટેડિયમ ખાતે રમાશે.આ સીઝન બે IPL ટીમો માટે મુશ્કેલ રહી છે,જેમણે સૌથી વધુ ટ્રોફી જીતી છે.ચેન્નાઈ સુપર કિંગ્સ (CSK) એ IPL 2026 માં અત્યાર સુધી આઠ મેચ રમી છે,જેમાં ફક્ત ત્રણમાં જીત મેળવી છે અને પાંચમાં હારનો સામનો કરવો પડ્યો છે.દરમિયાન મુંબઈ ઈન્ડિયન્સ (MI)એ તેમની આઠ મેચોમાંથી ફક્ત બે જ જીતી છે.પરિણામે,આ સીઝનમાં પ્લેઓફની દોડમાં ટકી રહેવા માટે CSK અને મુંબઈ ઈન્ડિયન્સ બંને માટે બાકીની મેચો મહત્વપૂર્ણ છે.
મુંબઈ પાસે સ્કોર સેટલ કરવાની તક
IPL 2026 સીઝનમાં ચેન્નાઈ સુપર કિંગ્સ (CSK) અને મુંબઈ ઈન્ડિયન્સ (MI) વચ્ચે આ બીજી મેચ છે.બંને ટીમો વચ્ચેની પાછલી મેચ મુંબઈના વાનખેડે સ્ટેડિયમ ખાતે રમાઈ હતી,જ્યાં CSK એ 103 રનના માર્જિનથી શાનદાર વિજય મેળવ્યો હતો.IPLમાં ચેન્નાઈ સુપર કિંગ્સ અને મુંબઈ ઇન્ડિયન્સ વચ્ચેના હેડ-ટુ-હેડ રેકોર્ડની વાત કરીએ તો,બંને ટીમો વચ્ચે અત્યાર સુધીમાં કુલ 40 મેચ રમાઈ છે,જેમાં ચેન્નાઈ સુપર કિંગ્સે 19 મેચ જીતી છે જ્યારે મુંબઈ ઇન્ડિયન્સે 21 મેચ જીતી છે.ચેન્નાઈના MA ચિદમ્બરમ સ્ટેડિયમ ખાતે CSK અને મુંબઈ ઇન્ડિયન્સ વચ્ચે કુલ નવ મેચ રમાઈ છે, જેમાં ચેન્નાઈ સુપર કિંગ્સે ચાર અને મુંબઈ ઇન્ડિયન્સે પાંચ જીતી છે.
