IPL 2026ની 39મી મેચમાં દિલ્હી કેપિટલ્સ રોયલ ચેલેન્જર્સ બેંગ્લુરૂ વચ્ચે આજે ટક્કર. અરુણ જેટલી સ્ટેડિયમ ખાતે રમાનારી આ મેચમાં ઉચ્ચ સ્કોર થવાની ધારણા છે.અક્ષર પટેલની આગેવાની હેઠળની DC પોતાની લય શોધવા માટે સંઘર્ષ કરી રહી છે, ત્યારે રજત પાટીદારની RCB સિઝનની સૌથી ખતરનાક ટીમ તરીકે ઉભરી આવી છે. તો ચાલો જાણીએ કે અરુણ જેટલી સ્ટેડિયમની પિચ કોને પસંદ આવશે.
બંને ટીમના હેડ ટુ ટુડે રેકોર્ડ
હકીકતમાં, દિલ્હી કેપિટલ્સનું અત્યાર સુધીનું અભિયાન મિશ્ર રહ્યું છે. 7 મેચમાં 3 જીત અને 4 હાર સાથે, ટીમ પોઈન્ટ ટેબલમાં સંઘર્ષ કરી રહી છે. પાછલી મેચમાં પંજાબ કિંગ્સ સામે KL રાહુલના રેકોર્ડબ્રેક અણનમ 152 રન હોવા છતાં, ટીમ 265 ના લક્ષ્યાંકનો બચાવ કરવામાં અસમર્થ રહી. DC ની બેટિંગમાં તાકાત દેખાઈ, પરંતુ તેમની બોલિંગ તેમની સૌથી મોટી નબળાઈ સાબિત થઈ.
લુંગી ન્ગીડી બહાર
લુંગી ન્ગીડીની ઈજાએ ટીમની મુશ્કેલીઓમાં વધુ વધારો કર્યો છે. દરમિયાન, RCB આ સિઝનમાં સૌથી સંતુલિત ટીમ જણાય છે. કેપ્ટન રજત પાટીદારના નેતૃત્વમાં, ટીમે દરેક વિભાગમાં શ્રેષ્ઠ પ્રદર્શન કર્યું છે. વિરાટ કોહલી અને દેવદત્ત પડિકલના ફોર્મ પર સવારી કરીને, RCB સતત 200+ રન બનાવ્યા છે. ટીમ પાસે બોલિંગમાં પણ મેચ વિજેતા ખેલાડીઓ છે. DC ને દરેક કિંમતે જીતની જરૂર છે, જ્યારે RCB તેની જીતનો સિલસિલો જાળવી રાખવા માંગશે.
અરુણ જેટલીની પિચ કેવી રહેશે?
દિલ્હીનું અરુણ જેટલી સ્ટેડિયમ બેટિંગ માટે સ્વર્ગ છે. DC વિરુદ્ધ PBKS મેચમાં બંને ઇનિંગ્સમાં 529 રન બન્યા, જે પિચની સંપૂર્ણ સપાટતાનો પુરાવો છે. આ રાત્રિની મેચમાં, ઝાકળ બોલરો માટે વસ્તુઓને વધુ મુશ્કેલ બનાવશે. જે કેપ્ટન ટોસ જીતશે તે પહેલા બોલિંગ કરવાનું પસંદ કરશે.
દિલ્હી વિરુદ્ધ બેંગલુરુ હેડ-ટુ-હેડ રેકોર્ડ્સ
રોયલ ચેલેન્જર્સ બેંગ્લોર (RCB) અને દિલ્હી કેપિટલ્સ (DC) અત્યાર સુધીમાં 34 મેચ રમી ચૂક્યા છે. રોયલ ચેલેન્જર્સ બેંગ્લોર (RCB)નો હાથ ઉપર છે. તેઓએ 20 મેચ જીતી છે. દિલ્હી કેપિટલ્સ (DC) એ 13 મેચ જીતી છે, જેમાં એક મેચ ડ્રો રહી છે.
