ચેન્નાઈના ચેપોક સ્ટેડિયમમાં ચેન્નાઈ સુપર કિંગ્સ અને લખનૌ સુપર જાયન્ટસ વચ્ચે મેચ રમાઈ હતી. સીએસકેએ શાનદાર પ્રદર્શન કરી લખનૌ સુપર જાયન્ટસને 5 વિકેટથી હરાવ્યું હતુ. તેમજ પોતાની પ્લેઓફમાં પહોંચવાની આશા જીવતી રાખી છે. લખનૌની બેટિંગ દરમિયાન ફોન કાંડની વધુ એક ઘટના કેમેરામાં કેદ થઈ છે. જેનો ફોટો સોશિયલ મીડિયા પર વાયરલ થઈ રહ્યો છે.
ફરી આવ્યો ફોન કાંડ
મેચમાં જ્યારે જોશ ઈગ્લિશ બેટિંગ કરી રહ્યો હતો. ત્યારે કેમેરામાં લખનૌના કેમ્પ તરફ કેમેરો ફરયો હતો. આ દરમિયાન એક વ્યકિત ફોન પર વાત કરતો જોવા મળ્યો હતો. આ ફોટો જોતા જ સોશિયલ મીડિયા પર વાયરલ થયો હતો. બીસીસીઆઈના નિયમો અનુસાર મેચ દરમિયાન ખેલાડી અને સપોર્ટ સ્ટાફ ફોનનો ઉપયોગ કરી શકતા નથી. એટલા માટે આ ઘટના ચર્ચાનો વિષય બની છે. પરંતુ હજુ સુધી આ વાતની પુષ્ટિ થઈ નથી કે, ફોનનો ઉપયોગ કરનાર વ્યક્તિ લખનૌ સુપર જાયન્ટસના સ્ટાફનો હતો કે પછી વીઆઈપી ડગઆઉટમાં બેસેલો ચાહક હતો આ મામલો સોશિયલ મીડિયા પર ચર્ચાનો વિષય બન્યો છે.
રાજસ્થાનના મેનેજરને મળી ચૂકી છે સજા
આઈપીએલ 2026માં આ પહેલા રાજસ્થાન રોયલ્સના મેનેજર રોમી ભિંડરને ડગઆઉટમાં ફોનનો ઉપયોગ કરતો જોવા મળ્યો હતો. ત્યારબાદ આઈપીએલ ગવર્નિંગ કાઉન્સિલે તેના પર 1 લાખ રુપિયાનો દંડ ફટકાર્યો હતો. જેના ફોટો સોશિયલ મીડિયા પર ખુબ વાયરલ થયો હતો. આઈપીએલ 2026માં અત્યારસુધી અનેક વિવાદ આવી ચૂક્યા છે. રાજસ્થાન રોયલ્સના કેપ્ટન રિયાન પરાગને પણ મેચ દરમિયાન ઈ સિગારેટનો ઉપયોગ કરતો જોવા મળ્યો હતો. ત્યારબાદ બીસીસીઆઈએ તેની મેચ ફી કાપી હતી.
