RCB ફેન્સ માટે સારા સમાચાર, ચિન્નાસ્વામી સ્ટેડિયમમાં IPL 2026ની રમાશે 5 મેચ

IPL 2026 શરૂ થવામાં હવે થોડા જ દિવસો બાકી છે. ભારતીય ક્રિકેટ ચાહકો માટે IPL માત્ર એક ટુર્નામેન્ટ નથી, પરંતુ એક લાગણી છે. ગયા વર્ષે રોયલ ચેલેન્જર્સ બેંગલુરુની ટીમે 18 વર્ષમાં પોતાનું પહેલું ટાઈટલ જીત્યું હતું.

આ દરમિયાન IPL 2026 પહેલા RCB ફેન્સ માટે કેટલાક સારા સમાચાર છે. ગયા વર્ષે ટાઈટલ જીત્યા પછી જીતના સેલિબ્રેશન દરમિયાન થયેલી દોડભાગમાં ઘણા લોકો માર્યા ગયા હતા. ત્યારથી સ્ટેડિયમમાં એક પણ મેચનું આયોજન થયું નથી.

ચિન્નાસ્વામી સ્ટેડિયમમાં યોજાશે ઓપનિંગ સેરેમની

મીડિયા રિપોર્ટ મુજબ IPL 2026ની ઓપનિંગ સેરેમની આ ઐતિહાસિક મેદાન પર યોજાશે. RCB ડિફેન્ડિંગ ચેમ્પિયન હોવાથી નિયમો મુજબ પહેલી મેચ પણ બેંગલુરુના હોમ ગ્રાઉન્ડ પર રમવાની છે. મીડિયા રિપોર્ટ મુજબ આ વર્ષની IPL સેમીફાઈનલ અને ફાઈનલ પણ આ મેદાન પર રમાશે.

RCB ચિન્નાસ્વામી સ્ટેડિયમમાં 5 મેચ રમશે

આ IPL સિઝનમાં રોયલ ચેલેન્જર્સ બેંગલુરુ તેમની 5 હોમ મેચ ચિન્નાસ્વામી સ્ટેડિયમમાં રમશે. RCB તેમની 2 હોમ મેચ રાયપુરના શહીદ વીર નારાયણ સિંહ ઈન્ટરનેશનલ સ્ટેડિયમમાં રમશે. આ સ્ટેડિયમ રોયલ ચેલેન્જર્સ બેંગલુરુના હોમ મેચનું આયોજન કરશે. તેના રોમાંચક વાતાવરણ અને હાઈ સ્કોરિંગ મેચો માટે ફેમસ એમ ચિન્નાસ્વામી સ્ટેડિયમ ફરી એકવાર મેચોનું આયોજન કરવા માટે તૈયાર છે. આ IPL સિઝનમાં RCB પર ટાઈટલ બચાવવા માટે દબાણ રહેશે.

RCBએ કર્ણાટક સરકારનો માન્યો આભાર

RCB ફ્રેન્ચાઈઝીએ કર્ણાટક સરકાર, કર્ણાટક રાજ્ય ક્રિકેટ એસોસિએશન અને કર્ણાટક પોલીસનો બેંગલુરુમાં મેચોનું આયોજન કરવામાં સતત માર્ગદર્શન, સહયોગ અને સમર્થન આપવા બદલ હૃદયપૂર્વક આભાર વ્યક્ત કર્યો છે. આરસીબી ફ્રેન્ચાઈઝીએ જણાવ્યું હતું કે આઈપીએલ સીઝન માટે સમયસર માળખાગત સુવિધાઓ અને સુરક્ષા પગલાં સુધારવા માટેના સહયોગી પ્રયાસોએ ખાતરી કરી છે કે ડિફેન્ડિંગ ચેમ્પિયન તેમની મોટાભાગની હોમ મેચ તેમના હોમ ગ્રાઉન્ડ પર રમશે.

આ પણ વાંચો: IND Vs WI: જસપ્રીત બુમરાહે માત્ર 3 બોલમાં પલટી ગેમ, કેપ્ટન સૂર્યાના નિર્ણયથી વેસ્ટ ઈન્ડિઝ સ્તબ્ધ