IPL 2026 Playoffs Chances: ચેન્નઈ-કોલકાતાથી લઈ RCB સુધી, કઈ ટીમની પ્લેઓફમાં જવાની કેટલા ટકા શક્યતા?

IPL 2026 ના પ્લેઓફ માટેની રેસ હજુ પણ રસપ્રદ છે. મુંબઈ ઇન્ડિયન્સ અને લખનૌ સુપર જાયન્ટ્સ પહેલાથી જ બહાર થઈ ગયા છે, પરંતુ બાકીની આઠ ટીમો ક્વોલિફાય થવા માટે જંગમાં છે. જો આ ત્રણ ટીમો રોયલ ચેલેન્જર્સ બેંગ્લોર, સનરાઇઝર્સ હૈદરાબાદ અને ગુજરાત ટાઇટન્સ તેમની આગામી મેચોમાં કોઈ મોટી ભૂલો નહીં કરે તો તેમનું પ્લેઓફ ક્વોલિફિકેશન નિશ્ચિત છે.

કઈ ટીમ પાસે પ્લેઓફ જવાની તક 

ચેન્નાઈ સુપર કિંગ્સ, પંજાબ કિંગ્સ, દિલ્હી કેપિટલ્સ, રાજસ્થાન રોયલ્સ અને કોલકાતા નાઈટ રાઇડર્સે પણ આશા છોડી નથી. ઇન્ડિયન પ્રીમિયર લીગમાં ટીમોની સંખ્યા 10 થઈ ત્યારથી, 16 પોઈન્ટને જાદુઈ સંખ્યા માનવામાં આવે છે જે ટીમના પ્લેઓફ બર્થની ખાતરી આપે છે. જો કે, વર્તમાન પોઈન્ટ ટેબલના આધારે કઈ ટીમ પાસે પ્લેઓફમાં સ્થાન મેળવવાની સૌથી વધુ તક છે? તમે સંપૂર્ણ યાદી અહીં જોઈ શકો છો.

દરેક ટીમની ટકાવારી કેટલી છે?

IPLના સત્તાવાર પ્રસારણકર્તાઓ દ્વારા જાહેર કરાયેલ યાદી અનુસાર,દિલ્હી કેપિટલ્સ પાસે પ્લેઓફમાં પહોંચવાની માત્ર 1.2 ટકા શક્યતા છે, જે યાદીમાં સૌથી ઓછી છે. ગુજરાત ટાઇટન્સ 80.2ટકા સાથે આગળ છે, જે તેમનો બીજો IPL ટ્રોફી જીતવાનો લક્ષ્ય રાખે છે.RCB પાસે 80.1 ટકા તક છે,અને સનરાઇઝર્સ હૈદરાબાદ પાસે અંતિમ ચારમાં પહોંચવાની 80 ટકા તક છે.ચેન્નાઈ સુપર કિંગ્સ અને રાજસ્થાન રોયલ્સ એવી સ્થિતિમાં છે જ્યાં તેમની બાકીની બધી મેચ જીતીને તેઓ સરળતાથી પ્લેઓફમાં સ્થાન મેળવી શકે છે, પરંતુ તેમના વર્તમાન ફોર્મના આધારે ક્વોલિફાય થવાની તેમની શક્યતા 50 % કરતા ઓછી છે. સતત ચાર જીત સાથે કોલકાતા નાઈટ રાઇડર્સ ચોક્કસપણે ઉત્સાહમાં હશે, પરંતુ પ્લેઓફમાં પહોંચવાની તેમની શક્યતા 15% કરતા ઓછી છે.

GT - 80.2%

RCB - 80.1%

SRH - 80%

PBKS - 62.5%

CSK - 42.7%

RR - 41.8%

KKR - 11.6%

DC - 1.2%

કોની પાસે કેટલી મેચ બાકી છે?

IPL 2026 પ્લેઓફ રેસમાં ફક્ત આઠ ટીમો બાકી છે જેમાં  બેંગલુરુ, ગુજરાત, હૈદરાબાદ, પંજાબ, ચેન્નાઈ અને રાજસ્થાન. આ છ ટીમોએ લીગ સ્ટેજમાં 11-11 મેચ રમી છે અને દરેક ટીમ પાસે ત્રણ-ત્રણ મેચ બાકી છે. દરમિયાન, દિલ્હી કેપિટલ્સ પાસે બે મેચ બાકી છે જ્યારે કોલકાતા નાઈટ રાઈડર્સ પાસે સૌથી વધુ ચાર મેચ બાકી છે.

આ પણ વાંચો - IPL 2026 : LSG સામે મેચ પહેલા CSK માટે સારા સમાચાર, ટીમમાં જોડાયો આ યુવા ખેલાડી