IPL 2026 પહેલા રાજસ્થાન રોયલ્સને નવો કેપ્ટન મળશે.ગયા સિઝનથી થયેલા મોટા ફેરફારોને કારણે આ નિર્ણય લેવામાં આવી રહ્યો છે.છેલ્લા ઘણા સિઝનથી રાજસ્થાન રોયલ્સનું નેતૃત્વ કરનાર સંજુ સેમસન હવે ચેન્નાઈ સુપર કિંગ્સમાં ગયો છે.ઈજાને કારણે સેમસન 2025માં આઠ મેચ ગુમાવી શક્યો હતો,અને ટીમ ફક્ત ચાર મેચ જીતીને તળિયેથી બીજા સ્થાને રહી હતી.આ પછી સેમસનએ પોતે ફેરફારની ઇચ્છા વ્યક્ત કરી હતી અને તેને CSK સાથે ટ્રેડ કરવામાં આવ્યો હતો. હવે, ટીમ નવા કેપ્ટન સાથે મેદાનમાં ઉતરશે.

રાજસ્થાન રોયલ્સના નવા કેપ્ટન કોણ હશે?

મીડિયા રિપોર્ટ અનુસાર રાજસ્થાન રોયલ્સે IPL 2026 માટે નવા કેપ્ટનની નિમણૂક કરી છે. 24 વર્ષીય યુવા સ્ટાર રિયાન પરાગ ટીમનો હવાલો સંભાળશે.રિયાન પરાગ 2019થી રાજસ્થાન રોયલ્સ સાથે છે.ગયા સિઝનમાં જ્યારે સંજુ સેમસન ઘાયલ થયો હતો.ત્યારે પરાગે આઠ મેચમાં ટીમનું નેતૃત્વ કર્યું હતું અને બેમાં જીત મેળવી હતી. તે સમયગાળા દરમિયાન તેણે સારું પ્રદર્શન કર્યું,જેમાં કોલકાતા નાઈટ રાઈડર્સ સામે 95 રનની ઇનિંગનો પણ સમાવેશ થાય છે.

સંગાકારા હવે મુખ્ય કોચ 

મીડિયા રિપોર્ટ અનુસાર આ નિર્ણય લેતા પહેલા ટીમ મેનેજમેન્ટ જેમાં મુખ્ય કોચ કુમાર સંગાકારાનો પણ સમાવેશ થાય છે.તેમણે ઘણા ખેલાડીઓ સાથે વાત કરી અને તેમના ઇન્ટરવ્યુ લીધા.પરાગને સૌથી યોગ્ય માનવામાં આવ્યા.આ RR માટે એક નવા યુગની શરૂઆત પણ દર્શાવે છે,કારણ કે રાહુલ દ્રવિડના ગયા પછી સંગાકારા હવે મુખ્ય કોચ છે અને કેપ્ટનશીપ પણ નવી છે.આનો અર્થ એ છે કે નવી રાજસ્થાન રોયલ્સ ટીમ હવે તેમના ટાઇટલ દુષ્કાળને સમાપ્ત કરવાનું લક્ષ્ય રાખશે.રાજસ્થાને પહેલી સીઝનથી એક પણ ટાઇટલ જીત્યું નથી.

IPL અત્યાર સુધીનું પ્રદર્શન

રિયાન પરાગે અત્યાર સુધી IPLમાં 84 મેચ રમી છે, જેમાં 1566 રન બનાવ્યા છે અને 7 વિકેટ લીધી છે. તેની શ્રેષ્ઠ સીઝન 2024 માં હતી, જ્યાં તેણે 573 રન બનાવ્યા હતા. તેનો સરેરાશ 52.09 અને સ્ટ્રાઇક રેટ 149.21 હતો. ગઈ સીઝનમાં, તેણે 166.52 ના સ્ટ્રાઇક રેટથી 393 રન પણ બનાવ્યા હતા.

આ પણ વાંચો - IND vs PAK મેચમાં ટીમ ઈન્ડિયાની મુશ્કેલી વધી, જાણો 4 કારણો