ચેન્નાઈ સુપર કિંગ્સના યુવા બેટ્સમેન કાર્તિક શર્માએ પોતાની પહેલી IPLસિઝનમાં જ પ્રભાવ પાડ્યો છે.જમણા હાથના આ બેટ્સમેનએ લખનૌ સામે 35 બોલમાં અડધી સદી ફટકારી હતી.લખનૌની મુશ્કેલ પીચ પર શાનદાર બેટિંગ કરતા,કાર્તિક શર્માએ પહેલા ચેન્નાઈને મજબૂત બનાવ્યું અને પછી અડધી સદી ફટકારી. તેણે અડધી સદી ફટકારી,પરંતુ ત્યારબાદ તેની ઉજવણી હેડલાઇન્સમાં રહી.ચાલો તમને જણાવીએ કે કાર્તિક શર્માએ પોતાની અડધી સદી પૂરી કર્યા પછી શું કર્યું.
કાર્તિક શર્માએ મોં પર આંગળી મૂકી
કાર્તિક શર્માએ 15મી ઓવરના બીજા બોલ પર અદભુત છગ્ગો ફટકારીને પોતાની અડધી સદી પૂર્ણ કરી. ત્યારબાદ તેણે પોતાની જર્સી પરના CSK બેજ તરફ ઈશારો કર્યો અને પછી પોતાનું હેલ્મેટ કાઢીને પોતાની આંગળી મોં પર મૂકી, કોઈને ચૂપ રહેવાનો સંકેત આપ્યો. એવું કહેવામાં આવી રહ્યું છે કે તે તેના ટીકાકારોને ચૂપ કરી રહ્યો હતો. કાર્તિક ત્યાગીને ઘણીવાર તેના ડોટ બોલ માટે ટ્રોલ કરવામાં આવે છે. આ ખેલાડી પોતાની ઇનિંગ થોડી ધીમેથી શરૂ કરે છે, મોટે ભાગે ડોટ બોલ રમે છે, પરંતુ એકવાર તે સેટ થઈ જાય છે, તો તે મોટા શોટ રમવામાં માહિર છે.