IPL 2026ની શરુઆત 28 માર્ચથી થઈ રહી છે. આ દુનિયાની સૌથી મોટી ક્રિકેટ લીગ છે. જેમાં દર વર્ષે અનેક ખેલાડીઓને રમવાની તક મળે છે. સામાન્ય રીતે આઈપીએલ દરમિયાન કોઈ પણ મોટા ક્રિકેટ બોર્ડ ઈન્ટરનેશનલ ક્રિકેટનું આયોજન કરતું નથી પરંતુ આ વખતે બાંગ્લાદેશ ક્રિકેટ બોર્ડે આઈપીએલ દરમિયાન સીરિઝ રમવાની જાહેરાત કરી છે. બાંગ્લાદેશની ટીમ ન્યુઝીલેન્ડ સામે ટકરાશે. આ બંન્ને ટીમ વચ્ચે વનડે અને ટી20 સીરિઝ રમાશે. જેના શેડ્યુલની પણ જાહેરાત થઈ ચૂકી છે.
IPL 2026 વચ્ચે સીરિઝ રમશે બાંગ્લાદેશ
બાંગ્લાદેશ ક્રિકેટ બોર્ડે ન્યુઝીલેન્ડ ટીમના આગામી પ્રવાસનું શેડ્યુલ જાહેર કર્યું છે. આ વ્હાઈટ બોલ સીરિઝ એપ્રિલ-મે 2026માં રમાશે. જેમાં 3 વનડે ઈન્ટરનેશનલ અને 3 ટી20 ઈન્ટરનેશનલ મેચ સામેલ છે. આની અસર આઈપીએલ પર પડશે નહી. કારણ કે, બાંગ્લાદેશના કોઈ પણ ખેલાડી આઈપીએલમાં ભાગ લઈ રહ્યા નથી. આ માટે ટીમ પોતાની પુરી તાકાત સાથે મેદાનમાં ઉતરશે. તો ન્યુઝીલેન્ડ પોતાની બી ટીમને પ્રવાસ પર મોકલી શકે છે. કારણ કે, તેના અનેક ખેલાડીઓ આઈપીએલમાં રમી રહ્યા છે.
13 એપ્રિલના રોજ ન્યુઝીલેન્ડની ટીમ ઢાકા પહોંચશે
તમને જણાવી દઈએ કે, 13 એપ્રિલના રોજ ન્યુઝીલેન્ડની ટીમ ઢાકા પહોંચશે. સીરિઝની શરુઆત ઓડીઆઈથી થશે. જે પહેલી 2 વનડે ઢાકાના મીરપુરમાં રમાશે. ત્રીજી ચટગાંવમાં રમાશે.ટી20 મેચ પણ બંન્ને શહેરમાં રમાશે. આ સીરિઝ17 એપ્રિલથી શરુ થઈ 2 મે સુધી ચાલશે. બાંગ્લાદેશ હાલમાં પાકિસ્તાન વિરુદ્ધ ઘરેલું ઓડીઆઈ સીરિઝ 2-1થી જીતી છે અને હવે ન્યુઝીલેન્ડ વિરુદ્ધ જીતની આશા છે.
ODI સીરિઝનું શેડ્યુલ
પ્રથમ ODI: 17 એપ્રિલ, 2026, મીરપુર (ઢાકા)
બીજી ODI: 20 એપ્રિલ, 2026, મીરપુર (ઢાકા)
ત્રીજી ODI: 23 એપ્રિલ, 2026,ચટગાંવ
T20I સીરિઝનું શેડ્યુલ
પ્રથમ T20I: 27 એપ્રિલ, 2026, ચટગાંવ
બીજી T20I: 29 એપ્રિલ, 2026, ચટગાંવ
ત્રીજી T20I: 2 મે, 2026, મીરપુર (ઢાકા)
શ્રીલંકાની મહિલા ટીમની મેજબાની કરશે
આ સિવાય બાંગ્લાદેશની મહિલા ટીમ પણ આ દરમિયાન શ્રીલંકાની મહિલા ટીમની મેજબાની કરશે. મહિલા સીરિઝમાં પણ 3 ઓડીઆઈ અને 3 ટી20 મેચ રમાશે. વનડે સીરિઝ મેચ 20,22 અને 25 એપ્રિલના રોજ રાજાશાહીમાં હશે. ત્યારબાદ 28,30 એપ્રિલ અને 2 મેના રોજ સિલહટમાં ટી20 સીરિઝની મેચ રમાશે.
આ પણ વાંચો - Kuldeep Yadav Reception: કુલદીપ યાદવના ગ્રાન્ડ રિસેપ્શનમાં CM યોગી સહિત આ સ્ટાર ખેલાડીઓ રહેશે હાજર
